Menu
Xəbər Lenti
29 Ock 19:47Hadisə

Avtobusda qadının çantasından içərisində pul və bank kartı olan cüzdanı oğurlanıb

Bakıda cibgirliklə məşğul olan üç nəfər saxlanılıb.

Bu barədə AZƏRTACA-a Daxili İşlər Nazirliyinin mətbuat xidmətindən məlumat verilib.

Qeyd olunub ki, daxil olan məlumat əsasında Bakı Şəhər Baş Polis İdarəsi və Yasamal Rayonu Polis İdarəsinin 29-cu polis şöbəsi əməkdaşlarının keçirdikləri əməliyyat tədbiri nəticəsində rayon ərazisində marşrut avtobusunda Bakı şəhər sakini qadının çantasından içərisində 570 manatı, sənəd və bank kartı olan cüzdanını oğurlamaqda şübhəli bilinən Abşeron rayon sakini, əvvəllər dəfələrlə məhkum olunmuş Məhəmməd Əliyev saxlanılıb.

Dəmir Yolu Nəqliyyatında Polis İdarəsi əməkdaşlarının keçirdikləri əməliyyat tədbiri nəticəsində Bakı dəmir yolu stansiyası ərazisində paytaxt sakini M.Səlimovun içərisində 340 manatı olan cüzdanını oğurlamaqda şübhəli bilinən paytaxt sakini Məsim Nağıyev tutulub.

Nəsimi Rayon Polis İdarəsinin 19-cu polis şöbəsi əməkdaşlarının keçirdikləri əməliyyat tədbiri nəticəsində isə H.Seyidzadə küçəsindəki mağazaların birində Bakı şəhər sakini olan qadının içərisində 500 manatı, sənəd və bank kartı olan cüzdanını oğurlamaqda şübhəli bilinən paytaxt sakini, əvvəllər məhkum olunmuş Səbinə Ağayeva müəyyənləşdirilərək yaxalanıb.

Hər üç faktla bağlı araşdırma aparılır.