Bakıda gənc oğlan ürəyindən bıçaqlanıb

Bakının Səbail rayonunda bıçaqlanma baş verib.
APA xəbər verir ki, hadisə 20-ci sahə kimi tanınan ərazidə baş verib.
Belə ki, 1998-ci il təvəllüdlü Həbiyev Kamran Zaur oğlu rayonların birindən Bakıya gələrək Azər adlı şəxslə əlbəyaxa dava edib.
Dava zamanı o bıçaqlanıb.
O, ürək, ciyər və çiynindən bıçaq xəsarətləri alıb.
Yaralı ağır vəziyyətdə xəstəxanaya yerləşdirilib. Həkimlər onun vəziyyətinin olduqca ağır olduğunu bildirir.
Faktla bağlı Səbail Rayon Polis İdarəsinin 8-ci Polis Bölməsinin əməkdaşları araşdırma aparır.
Hadisəni törədən şəxsin axtarışları davam edir.