Menu
Xəbər Lenti
Mən Poladdan yazıram
2-08-2022, 14:55

Mən Poladdan yazıram

31 iyl 15:02Gündəm / Sosial

Şəhidimə salam söylə!


Mən Nail Amin Zaman bu xəbər portalının əməkdaşıyam. Gördüyümüz bütün işlərlə hər zaman vətənə can verib, vətəni sevən şəhid ailələri və qazil qardaşlarımızın görüşündə oluruq. Bu bizim vətəndaşlıq borcumuz, İlahi haqqımızdı. Bu gün rastlaşdığım çox qəribə və bir az kövrək notlu, bir az sevinc hisli, bir az fəxr-fəxarətli yadda qalan bir hadisə ilə rastlaşdım. Növbəti dəfə işimi icra edərkən və baş ofisimizə qayıtmaq üçün yolda təsadüfən rastlaşdığım bir maşın məni gedəcəyim yerə gətirəcəyini söylədiyi üçün biz yol-yoldaşı olduq. Sürücünün sağ tərəfində əsa olduğunu görərkən döyüşçü olduğunu düşündüm və sualımın da cavabın doğru aldım. 44 günlük haqq savaşında döyüşərək qazi olan çox maraqlı bir adın daşıyıcısı Elm qardaşımız Ucar rayonunun Alpot kəndindən olduğunu söyləyəndə qəribə bir hiss məni müşayət etdi. Bir az kövrək, bir az da duyğusal hislər. Bəli bu kəndi mən şəhid olub şəhadətə qovuşan qardaşımız Kərim Əliyevin kəndi olduğunu yadımda saxlamışdım. Qazi qardaşımızın bu kənddən olduğunu biləndə maraqlı söhbətimiz zamanı məlum oldu ki, hətta Kərim qardaşımızın qapı qonşusudu. Mən şəhidimin ailəsində çəkilişdə olarkən onun yatdığı otaqda ağzı bağlı kassada bir qədər pulları olduğunu görmüşdüm. Və bu görüşümün adını gördüyümü görüntüdən dolayı "Toplanmış arzular, yetişməyən vüsal başlığı" ilə ayrılmışdım. Qazi qardaşımın bu isti havada mənim yolda qoymaraq, mənzil başına gətirib çatdırması bir möcüzə oldu. Evində qonağı olduğum şəhid qardaşımın ruhu sanki dostuna gətirib bu məkana yetirmişdi, gəlib mənzil başına çatdım. Və biz ayrılmalı olduq. Əlimi sıxıb ayrılarkən qazi qardaşımdan bir xahiş etdim. Yəqin ki, kəndinizə şəhidimin yanına qayıdırsınız. Məndən ürək dolusu böyük sevgilərlə Salam söyləyərsən. Bağışla, görüşünə bir az gec gəldim. 

Nail Amin Zaman