Menu
Xəbər Lenti
DİM imtahan keçirir
Bugün, 11:38

DİM imtahan keçirir

Bakıda gəmi yanır
Dün, 09:58

Bakıda gəmi yanır

Prezident qəbul keçirdi
9-04-2021, 10:23

Prezident qəbul keçirdi

Millimiz Slovakiyaya qarşı
8-04-2021, 10:17

Millimiz Slovakiyaya qarşı

DİN-də yeni təyinat
5-04-2021, 10:32

DİN-də yeni təyinat

03 mar 10:50Gündəm / Sosial

Bakıda daha bir məktəb koronavirusa görə bağlandı

“106 nömrəli tam orta məktəbdə 2 nəfər laborant, 1 nəfər uşaq birliyi təşkilatı rəhbəri və 1 nəfər direktor müavininin COVİD-19 testi pozitiv çıxıb. Bu səbəbdən Bakı şəhəri Qaradağ rayonu Gigiyena və Epidemiologiya Mərkəzinin rəyi əsasında məktəbdə əyani tədris prosesi müvəqqəti olaraq dayandırılıb”. 
Bakı Şəhər Təhsil İdarəsindən verilən məlumata görə, bununla əlaqədar məktəbin fəaliyyəti 7 günlük müddətinə təxirə salınıb və dərslərin distant formada tədris olunması qərara alınıb. 
İdarədən bildirilib ki, hazırda təhsil müəssisələrində tədris və təlim-tərbiyə prosesi Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”na uyğun olaraq təşkil edilir. Təhsil müəssisələrində koronavirus infeksiyasına qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur və müvafiq qaydaların icrası ilə bağlı mütəmadi monitorinqlər aparılır. BŞTİ rəhbərliyi və İdarənin əməkdaşları da gündəlik məktəblərə gedir, tədrisin təşkili vəziyyəti ilə yerində tanış olurlar.

“Qafqazinfo”