YARADICILIĞI ŞƏXSİYYƏTİNİ TƏSDİQLƏYƏN ŞAİR

O, həyatın müxtəlif sahələrinə, hadisələrə özünəməxsus bir baxış bucağından yanaşır. Həm sənətkar olaraq, həm də ictimai  xadim kimi dünyaya fərqli və dərindən baxan biri kimi tanınır. Onun şeirlərindəki təfərrüatlar həyatın mürəkkəbliyini və insanın daxili dünyasının incəliklərini önə çıxarır.

Şair  hər bir hadisəyə, insan münasibətlərinə və həyatın ən kiçik detallarına belə diqqətlə yanaşaraq, öz oxucularını  dərindən düşündürür və yeni fikirlərə yol açır. Əsərlərindəki fəlsəfi yanaşmalar müasir cəmiyyətin problemləri və insanın özünü kəşf etməsi kimi məsələləri ustalıqla araşdırır.

Tapdıq Əlibəylinin publisistikası insanın mənəvi dünyasını, sosial həyatı, cəmiyyətin dinamikasını və fərdi təcrübəni təhlil edərək geniş bir perspektiv təqdim edir. Bu xüsusiyyətlər onu yalnız bir ədib kimi  deyil, həm də həyatın bütün sahələrini hərtərəfli anlamağa çalışan bir ziyalı olaraq səciyyələndirir.  Onun əsərləri oxucuları həm dərindən düşünməyə, həm də həyatın müxtəlif məqamlarını daha dərin və məntiqli şəkildə qiymətləndirməyə sövq edir.

Onun mükəmməl bir şəxsiyyət olması vurğuladığım kimi  yaradıcılığında da öz dolğun əksini tapmışdır. Tapdıq müəllimin istər publisistika, istərsə də poeziyası elə bil ki, xalqın qəlbindən, istəyindən süzülüb gəlir. Sanki onun şeirlərini özümüz yazırıq. Hər misrasında qəlb şairi ilə baş-başa qalırıq. Duyğu qanadında söz şeh çəkir, heyrət ovqatında dil çiçəkləyir Tapdıq Əlibəylini oxuyanda...

Tapdıq Əlibəyli yaradıcılığının  ovqatında böyük qırğız ədibi, Xalq yazıçısı Çingiz Aytmatovun bir fikrini xatırlatmaq istəyirəm: “Poeziyanın meyarı hər şeydən əvvəl sənətkarın yetkinlik meyarıdır, onun kollektiv təcrübəmizlə hamağəng olan fəlsəfi və mənəvi müdrikliyinin meyarıdır və bundan sonra şəxsiyyətin harmoniyaası, epitetlərin gözəlliyi və daha sonra dövrün əsas yellərinə istedad yelkəni ilə sinə gərmək bacarığı gəlir”.

Böyük yazıçının illərin təcrübəsindən hasil olan bu qənaətini büsbütün Tapdıq Əlibəyliyə də şamil etmək olar. Ona görə ki, sadalanan cəhətlər onun yaradıcılığının, şəxsiyyətinin xarakterik cizgiləridir.

İnsana, insanlığa, Ulu Yaradana böyük sevgisi olan və bu amalın işığında yol gedən şair “Tanrının ruhu var əzəl ruhunda” adlı şeirində yazır:

Tapdıq Əlibəyli vətənpərvər şairdir. Onda torpağa və xalqa məhəbbət hissi o qədər güclüdür ki, bu qayə, məslək bütövlükdə yaradıcılığına sirayət edib. O, bu qutsal hissləri millətin qan yaddaşına köçürür.

Qeyd edim ki, Tapdıq müəllimin müəllifi olduğu  “Payız çöhrəsində yazdı 44 gün” kitabı Zəfərimizin  ədəbi müjdəsi oldu. Tanınmış  yazıçı- publisist Səyadulla Kərimli məqaləsində bu barədə yazır:

Mən deyərdim ki, şair ədəbi, poetik, publisistik sözü ilə yeni nəsilin mental dəyərlərdən uzaq düşməməsi üçün məqsədyönlü korreksiya işi görür. Xalqına qırılmaz tellərlə bağlı olan şairə “Xalq şairi” fəxri adı necə gözəl yaraşardı... Ümidvaram ki, bu ad Tapdıq Əlibəyli imzası ilə qoşa olacaq!

Tapdıq Əlibəyli  o qələm sahiblərindəndir ki, yaradıcılığı şəxsiyyətini təsdiq edir. Sözü özünü, özü sözünü tamamlayan söz adamıdır Tapdıq Əlibəyli. Tapdıq müəllim bizim qəlb dostumuzdur, ürək sırdaşımızdır. Qarşıdan gələn 65 illik yubileyin mübarək, əziz dost!

Əziz şairimizə ən xoş, ülvi arzularımı ünvanlayıram. Allah sənə bərəkətli ömür versin, qardaş! Qoy şair bizi bundan sonra da öz söz çələngi, yeni-yeni nailiyyətləri və uğurları ilə sevindirsin!..