Xəbər Lenti
Bugün, 08:00
Dövlətə xəyanət, casusluq, 175 milyon manatın ödənilməsi - Əli Nağıyev məlumatlar açıqladı
Dün, 13:32
Şəfəq Ağacan- "Şikayət məktubu ",Babam Ağabala müəllimlə bağlı uşaqlıq xatirələrimdən-2-ci Hissə
26-03-2024, 15:04
Ölkəmizdə əcnəbi gənclərin iştirakı ilə "Beynəlxalq Novruz Festivalı-Azərbaycan" layihəsi keçirilib
26-03-2024, 14:26
Hikmət Hacıyev: “Çinli tərəfdaşlarla birgə iş ölkəmizin texnoloji inkişafına kömək edir”
26-03-2024, 14:08
Əliyev-Putin danışıqları: Azərbaycan-Rusiya münasibətlərini pisləşdirmək istəyənlərə mənalı cavab - TƏHLİL
26-03-2024, 08:45
Körpə Hüseyn yardımsevər şəxslərin dəstəyinə möhtacdır: Müalicə üçün 600 manat lazımdır
23-03-2024, 09:35
Pakistanın Milli Günü münasibətilə keçirilən paradda Azərbaycan hərbçiləri iştirak ediblər
“Şuşa fatehi” kitabının təqdimatı oldu
Respublika Gənclər Kitabxanasında Moskvada yaşayan soydaşımız, yazıçı-publisist Ulduz Qasımın son zamanlarda çapdan çıxmış üç kitabının - "Qarabağda qiyamət", "Ağ göyərçinlər" və "Qaçaq Aslan" əsərlərinin təqdimat mərasimi keçirilib.
Bakı Şəhər İcra Hakimiyyətinin Mətbuat xidmətindən verilən məlumata görə, kitabxananın direktoru Aslan Cəfərov öz çıxışında vətənpərvər xanım Ulduz Qasımın yaradıcılığında Qarabağ mövzusunun aparıcı xətt olduğunu, bu mövzuda qələmə aldığı əsərlərin gələcək nəsillər üçün müstəsna dəyərini, tarixi əhəmiyyətini qeyd edib.
Tədbirdə “Xalq qəzeti”nin baş redaktorunun müavini, əməkdar jurnalist Tahir Aydınoğlu vurğulayıb ki, əsərdə şəhid Fərid Ələkbərovun əfsanəvi qəhrəmanlığı əhatəli təsvir olunub.
Qeyd edək ki, F.Ələkbərov ölümündən sonra "Vətən uğrunda", "Şuşanın azad olunması", "İgidliyə görə" medalları ilə təltif edilib. Bütün bunlar barədə Ulduz Qasım romanda böyük sevgi və öyünclə söz açıb.
Ulduz Qasım Bakıda olduğu günlərdə Şuşa fatehi Fərid Ələkbərovun ailəsi ilə görüşüb geniş material toplayacağını və şəhid qəhrəman barədə ayrıca kitab yazacağını da söyləyib.
Tədbirin sonunda müəllif kitablarını imzalayaraq, ilk nüsxələrini şəhid Fərid Ələkbərovun anası Şukufə Hüseynovaya və digər qonaqlara təqdim edib.