Menu
Xəbər Lenti
Neft ucuzlaşır
Dün, 11:52

Neft ucuzlaşır

Gizir Şıxəliyev Fariz
21-01-2021, 18:30

Gizir Şıxəliyev Fariz

DAHA BƏSDİR AĞLADIĞIN...
20-01-2021, 16:04

DAHA BƏSDİR AĞLADIĞIN...

Neft qiymətləri bahalaşır
20-01-2021, 12:45

Neft qiymətləri bahalaşır

Sarıbaşa 42 sm qar yağıb
19-01-2021, 12:09

Sarıbaşa 42 sm qar yağıb

QANLI  YANVAR
19-01-2021, 11:23

QANLI YANVAR

25 noy 15:33Gündəm / Sosial / Səhiyyə

Son günlər hər səhərimiz bir sözlə açılırdı: Salam, Əsgər! QƏLƏBƏN MÜBARƏK AZƏRBAYCAN!


Rasim Qasımov

Gəncə Şəhər Abbas Səhət adına 1 saylı Şəhər Xəstəxanasının

1-ci dərəcəli həkim-cərrahı, Vətənpərvər ziyalı


Bəli, televiziya ekranlarında, efirlərdə hazırlanan verilişlər, xalqa çatdırılan doğru, operativ xəbərlər, bölgələrdən, cəbhədən öndən, ən qaynar nöqtələrdən verilən ürəkaçan qələbə xəbərlərinin çatdırılmasında əziyyəti olan televiziya işçiləri bu savaşda zəhmət çəkmiş oldular ki, sonu da zəfər xəbərli oldu. Hər kəs öz işində cəbhə nümayəndəsi olaraq vətəninə xidmət etmiş oldu. Mən də bir həkim olaraq öz təcrübəmdən və peşəmdən asılı olan əlimdən nə gəldisə etdim və etməyə çalışdım. Çünki “Qarabağ Azərbaycandır!” deyimi altında yumruq tək birləşərək bir aya gələn ölkə başçısı Ali Baş Komandan İlham Əliyev ətrafında sıx birləşərək birlik nümayiş etdirən Azərbaycan xalqı zəfər savaşına, ədalət savaşına çıxmış oldu.

Bizlərin ümid, inam hissi, qalibiyyətin bizimlə olacağına böyük əsas vermiş olardı. Dövlətimizin və dövlət başçısının, Ali Baş Komandanımızın diplomatik siyasəti sayəsində dünyaya səs salan haqq savaşımızın sonu zəfərlə bitmiş oldu. 

30 ilə yaxın həsrətin, vüsalını xalqına yaşadaraq dövlətimizə coşğulu sevinc gətirib, tarixə qızıl hərflərlə şanlı səhifə yazan müzəffər Azərbaycan Ordusu qətiyyətli siyasətiylə xeyir gətirən Ali Baş Komandanımız böyük sərkərdə İlham Heydər oğlu Əliyevə – Əhsən! Bəli, cənab prezidentimiz tarixdə şanlı səhifə olaraq yeni tarix yaradaraq şərafətli və şərəfli bir missiyanı, övlad borcu, vətəndaşlıq haqqı, dövlət başçısı olaraq, dahi şəxsiyyət Heydər Əliyevin ata nəsihətini davam etdirərək özünün edə bilmədiyi, yarıda qalan çox böyük olan bir dərdi – Qarabağ dərdini həll etdi. Qarabağdakı qara düyünlər açıldı, qara qüvvələr qovuldu. Qarabağımız azad oldu. Mənfur düşməndən qurtulub öz haqqına yetişib halalına çatdı bizim Qarabağımız

“Qarabağ Azərbaycandır!” şüarı İlham Əliyevin birlik dəyərinin Azərbaycançılıq məfkurəsinə çevrildi. İki cəbhə arasında döyüşərək xalqının əziyyətini, zəhmətini, qayğısını çəkərək qaranlıq dünyadan nura yol açdı. Haqq səsimizi dünyaya çatdıraraq haqlı ədalət savaşından üzüağ çıxacağımızı əminliklə bəyan etdi. 

Dünyanın lider dövlətləriylə hesablaşaraq, Heydər Əliyev kursunda siyasət aləmində bəhrəli nümunə göstərərək, özünü diplomat olaraq sübut etməsi lider dövlətlərdən heç də geri qalmadığını təsdiqlədi. Verdiyi əmrlər, tapşırıqlar və göstərişlər ordu quruculuğundakı nizam-intizam, yaralı əsgər və zabitlərimizə qayğı, onların müayinə və müalicəsi üçün göstərilən diqqət və qayğı, yaradılan reabilitasiya mərkəzi, dövlətimizin ordusuna Ali Baş Komandan olaraq göstərdiyi qətiyyətli qayğının bariz nümunəsidir. 

Cənab prezidentimiz bu şanlı tarixi yazaraq, Ermənistan adında, lakin heç yerdə nüfuzu olmayan bir mənfur düşməni kaputuliyasiya aktını imzalamağa məcbur etməniz nəinki Azərbaycanımızın, bütün türk dünyasının uğuru, qalibiyyəti və zəfəridir. Ard-ardaya sonsuz sevinc hissi yaşadaraq xalqımıza verdiyiniz qələbə xəbərləri, xoş müjdələr bizlərdə vətəndaşlıq ruhunun yaşamaq həvəsinin, gələcəyə ümid qapılarımızı taybatay üzümüzə açdığınıza əhsən!

Bilirdik, inanırdıq və güvənirdik Sizin beynəlxalq aləmdəki nüfuzunuz bütün bunları deməyə əsas verirdi ki, az itkisiz ədalət savaşının haqq qapıları Azərbaycanımızın üzünə açılacaq. Fenomenlərin ay yolu adlı bir səlmanəyə imza atdınız. Bu imza Azərbaycanımızın şah əsərimiz sayılan Qarabağımızı böyük inkişaf strategiyasının təməlinə monolit bir möhkəmliyin dayağı olacaqdır. 

Əziz prezidentimiz, xalqını, millətini sevən prezidentimiz, Siz milyonlara sevgiylə, qayğıyla yanaşıb, qələbə yaşatdınız. Milyonların da sizə olan sevgisi altında yumruq kimi birləşərək bayraq əzəmətinin hüquqi atributu olaraq başı üstə saxlayaraq bu dəyərdən bütün türk dünyasına pay verib, bayrağımızı qoşa dalğalandıraraq türkün-dostu-türk olduğunu dünyaya bəyan etdi.


Türkük, türkün dostuyuq, türk oğluyuq,

İki millət, bir dövlət dediyimiz

Azərbaycan Türkiyədir elimiz.


Ədalət savaşından tarixə yazılan, həmişə yaddaşlara həkk olan çox hadisələr oldu.

Mənim işim həkim olaraq xalqa xidmət edib, sayıq keşiyində dayanmaqdır. Bununla da fəxr edirəm. Amma məxsusi olaraq bir şey yaddaşıma fəxarətlə həkk oldu. 

Türkiyə dövlətimizin Ağrı dağında Ermənistan tərəfdə olan hissəsində Azərbaycan bayrağının video proyeksiya etməsi. Ermənilərin hər səhər pəncərəsini ilk açdığında Azərbaycan bayrağını görməsi türkün türk olduğunu onlara sübut edib və kaptuliyasiya aktını onlara aid olmasına sübutdur. 

Əziz prezidentimiz bizlərsə hər səhər eyvanımızın pəncərəsini açıb baxanda xoşbəxt gələcəyimizin könül pəncərəsindən Qəsri Qalaya Müqəddəs Şuşa şəhərində küskün xarı bülbülə verəyimiz ümidlərin doğruluğunu görürük.

Cənab Prezident! Biz azəri xalqı Sizinlə fəxr edirik!!!