201 nömrəli məktəbdə şok iddialar: İşdən çıxarılan müəllimlərin etirafları və yeni səs yazıları üzə çıxdı

201 nömrəli tam orta məktəbində baş verən qalmaqalın əsl səbəbkarı ilə bağlı yeni detallar üzə çıxıb. Müəllim etikasına zidd hərəkətlərə görə işdən uzaqlaşdırılmış M.Saleh və Ş.Lalə adlı keçmiş pedaqoqlar, keçmiş direktor müavini Svetlana Hüseynova barəsində şok ittihamlar irəli sürüblər.

Müəllimlərin yazılı etiraflarında qeyd olunur ki, Hüseynova məktəbə 1995-ci ildə gələndən bəri “rüşvətin təməlini qoyub”. Yeni direktorun məktəbdə şəffaflığı bərpa etmək cəhdlərindən sonra isə Hüseynovanın sosial şəbəkələrdə  rəhbərliyə qarşı kampaniya apardığı iddia olunur.

Keçmiş müəllim Lalə Şəfəqətovanın prokurorluğa ünvanladığı rəsmi teleqramda isə daha ciddi ittihamlar yer alır. Onun sözlərinə görə, S.Hüseynova onu və daha bir neçə müəllimi direktor əleyhinə şikayət və kütləvi paylaşımlar etməyə təhrik edib:

“Məni S.Hüseynova direktorun əleyhinə şikayət və paylaşımlar yazmağa məcbur etdi. Qarayaxma məqsədilə müəllimlərdən ibarət qrup yaradaraq bizə rəhbərlik edirdi. Bütün paylaşımlar onun göstərişi ilə hazırlanıb”, – deyə müraciətdə bildirilir.

Həmin teleqramda daha bir ciddi iddia da yer alıb. Şəfəqətova bildirir ki, onun əmək haqqı kartı Hüseynovanın həyat yoldaşı Teymur Həsənovun əlində olub:

“10 faizlə 7000 manat pul vermiş, əvəzində 30.000 manatlıq sənədə imza atdırmışdır.”

Müəllimlər tərəfindən təqdim edilən səs yazılarında Svetlana Hüseynovanın etiraza dözümsüz yanaşdığı, müəllim  zidd tərzdə səsini yüksəldərək qarşı tərəfi təhdid etdiyi də eşidilir. Onun tez-tez “hüquq masası” ifadəsi ilə qarşı tərəfi susdurmağa çalışdığı vurğulanır.

Mübahisəli vəziyyətlə bağlı təqdim olunan sənədlərə görə, keçmiş müavin diplomsuz olduğu halda “qəribə yollarla” işə qəbul olunub və bir neçə dəfə işdən çıxarılıb, lakin yenidən vəzifəsinə bərpa olunub. 30 ilə yaxın müddətdə məktəbdə hegemonluq edən Hüseynovanın rəhbər və müəllim heyəti üzərində təzyiqlər göstərdiyi, hətta şagirdlərə və müəllimlərə qarşı fiziki və psixoloji zorakılığa yol verdiyi iddia olunur.

İddialara görə, bu hegemonluq 2023-cü ildə məktəb kollektivi və yeni direktorun qətiyyətli mövqeyi nəticəsində sona çatıb.

Hazırda məsələ ilə bağlı hüquq-mühafizə orqanlarının və aidiyyəti təhsil qurumlarının araşdırma apardığı bildirilir.

Məsələ ilə bağlı S.Hüseynovanın münasibətini öyrənmək mümkün olmadı. Yazıda adları çəkilənlərində fikirlərini dərc etməyə hazırıq.

Heqiqixeber.az