Xalqın sağlamlığı keşiyində dayanan baş həkimin dilindən Qalib Liderə Dərin Ehtiram

Azərbaycanın müasir dövlətçilik tarixində elə liderlər var ki, onların adı xalqın taleyi, ölkənin gələcəyi və milli qürur anlayışı ilə birgə çəkilir. Prezident, Müzəffər Ali Baş Komandan cənab İlham Əliyev məhz belə liderlərdəndir. Onun rəhbərliyi ilə Azərbaycan yalnız müstəqilliyini möhkəmləndirməmiş, eyni zamanda regionun ən güclü, söz sahibi olan dövlətinə çevrilmişdir. Cənab Prezidentin doğum günü isə Azərbaycan cəmiyyəti üçün böyük hörmət və ehtiramla qeyd edilən əlamətdar bir gündür.

Bu münasibətlə Qobustan Rayon Mərkəzi Xəstəxanasının baş həkimi Xəyalə İmanova da ölkə başçısına səmimi təbriklərini çatdıraraq, onun müdrik rəhbərliyinə, uzaqgörən siyasətinə və insan amilinə verdiyi yüksək dəyərə xüsusi vurğu edir.

Prezident İlham Əliyevin həyata keçirdiyi dövlət siyasətinin mərkəzində vətəndaş rifahı və insan sağlamlığı dayanır. Son illərdə ölkəmizdə səhiyyə sahəsində aparılan köklü islahatlar, yeni tibb müəssisələrinin inşası, mövcud xəstəxanaların əsaslı təmiri və ən müasir tibbi avadanlıqlarla təmin edilməsi bunun bariz nümunəsidir. Regionların sosial-iqtisadi inkişaf proqramları çərçivəsində Qobustan Rayon Mərkəzi Xəstəxanası da yenilənmiş, əhaliyə göstərilən tibbi xidmətin keyfiyyəti əhəmiyyətli dərəcədə yüksəlmişdir.

Xəyalə İmanova qeyd edir ki, dövlət başçısının səhiyyəyə göstərdiyi diqqət və qayğı tibb işçilərinin üzərinə böyük məsuliyyət qoymaqla yanaşı, onları daha fədakar və vicdanla çalışmağa ruhlandırır. Çünki hər bir həkim və tibb işçisi anlayır ki, onların əməyi dövlət səviyyəsində qiymətləndirilir və dəstəklənir. Bu isə səhiyyə sistemində peşəkarlığın və xidmət mədəniyyətinin yüksəlməsinə gətirib çıxarır.

Cənab İlham Əliyevin rəhbərliyi ilə Azərbaycan tarixinin ən şanlı səhifələrindən biri yazıldı – 44 günlük Vətən müharibəsində əldə olunan möhtəşəm Qələbə. Bu Qələbə yalnız hərbi uğur deyil, eyni zamanda güclü liderliyin, xalq-iqtidar birliyinin və milli ruhun təntənəsi idi. Müharibə dövründə səhiyyə işçiləri də ön və arxa cəbhədə əsl fədakarlıq nümunəsi göstərdilər. Yaralı əsgər və zabitlərimizin həyatının xilas edilməsi, onların sağlamlıqlarının bərpası istiqamətində görülən işlər səhiyyə sisteminin gücünü və təşkilatlanma səviyyəsini bir daha nümayiş etdirdi.

Baş həkim Xəyalə İmanova vurğulayır ki, Prezident İlham Əliyevin “İnsan amili hər şeydən üstündür” prinsipi səhiyyə sahəsində çalışan hər kəs üçün əsas fəaliyyət istiqamətidir. İcbari tibbi sığortanın tətbiqi və genişləndirilməsi, tibbi xidmətlərin əlçatanlığının artırılması, əhalinin sosial həssas qruplarına xüsusi diqqət göstərilməsi bu siyasətin real nəticələridir. Qobustan Rayon Mərkəzi Xəstəxanasında da bu prinsiplər əsas götürülərək, hər bir pasiyentə bərabər və keyfiyyətli tibbi xidmət göstərilməsinə xüsusi önəm verilir.

Prezident İlham Əliyevin ailə dəyərlərinə, milli-mənəvi irsimizə, şəhid ailələrinə və qazilərə göstərdiyi diqqət cəmiyyətin bütün təbəqələri tərəfindən dərin minnətdarlıqla qarşılanır. Bu diqqət səhiyyə müəssisələrinin gündəlik fəaliyyətində də öz əksini tapır. Şəhid ailələri və müharibə iştirakçıları üçün tibbi xidmətin daha operativ və diqqətli təşkili səhiyyə işçilərinin mənəvi borcuna çevrilmişdir.

Xəyalə İmanova bildirir ki, cənab Prezidentin uzaqgörən siyasəti nəticəsində Azərbaycan bu gün sabitlik və təhlükəsizlik adasına çevrilib. Bu sabitlik səhiyyə sahəsinin inkişafı üçün də mühüm zəmin yaradır. Sağlam cəmiyyət güclü dövlətin əsas dayağıdır və bu prinsipi rəhbər tutan Azərbaycan səhiyyəsi Prezident İlham Əliyevin müəyyən etdiyi strateji xətt üzrə inkişafını davam etdirir.

Bu əlamətdar gündə Qobustan Rayon Mərkəzi Xəstəxanasının baş həkimi Xəyalə İmanova Prezident, Müzəffər Ali Baş Komandan cənab İlham Əliyevi doğum günü münasibətilə səmimi-qəlbdən təbrik edir. Ona möhkəm can sağlığı, uzun ömür, dövlətçilik fəaliyyətində yeni-yeni uğurlar, Azərbaycan xalqının rifahı naminə atdığı bütün addımlarda müvəffəqiyyətlər arzulayır.

Sonda baş həkim qeyd edir ki, Qobustan Rayon Mərkəzi Xəstəxanasının kollektivi bundan sonra da cənab Prezidentin ətrafında sıx birləşərək, onun siyasətinə dəstək verməyə, xalqın sağlamlığının keşiyində layiqincə dayanmağa davam edəcəkdir. Bu təbrik həm səhiyyə rəhbərinin, həm də bir Azərbaycan vətəndaşının qalib Liderə olan dərin hörmətinin və sədaqətinin ifadəsidir.

Səxavət Yazar