Müzəffər Ali Baş Komandan İlham Əliyevin uğurlu siyasəti

Azərbaycan Respublikasının Prezident İlham Əliyevin 2003-cü ildən həyata keçirməyə başladığı uzaqgörən daxili və xarici siyasət Azərbaycanı dünyanın inkişaf edən dövlətləri sırasına çıxarmışdır. Cənab Prezident Azərbaycanın iqtisadi və hərbi qüdrətinin, beynəlxalq nüfuzunun gücləndirilməsi yolunda böyük inam və qətiyyətlə çalışmışdır.

Ali Baş Komandan Vətən müharibəsi günlərində döyüşən orduya tapşırıqlarını birbaşa özü vermişdir. Nəticədə üçrəngli bayrağımızın 30 ildən sonra Qarabağda, Şərqi Zəngəzurda yenidən dalğalanmasına nail oldu. Əldə edilmiş Qələbə regionda yeni reallıqların yaranmasına səbəb oldu.

 Qələbənin şərtlərindən biri Azərbaycan Prezidentinin diplomatiya müstəvisində çevik siyasəti olmuşdur. Xalqımıza böyük qürur bəxş edən son hadisələr Vətən savaşında əldə olunan Zəfərdən sonra aparılan hərbi-siyasi proseslər məhz Prezidentimizin “Dəmir yumruğ”unun qəti qələbəsi oldu. Sentyabr ayında həyata keçirilən lokal miqyaslı antiterror tədbirləri nəticəsində ərazilərimizdə suverenliyimizin tam bərpası tarixi əhəmiyyət kəsb edir.

Azərbaycan Prezidentinin uğurlu siyasəti nəticəsində  ölkəmiz modernləşərək sürətli inkişafın yeni keyfiyyət mərhələsinə qədəm qoydu. Hazırda ölkəmizdə bütün sahələrdə yenilənmə müşahidə olunur. Müasir Azərbaycanın qurucusu, Ulu Öndər Heydər Əliyevin siyasi kursunun layiqli davamçısı Prezident İlham Əliyev apardığı məqsədyönlü siyasət ilə ölkə iqtisadiyyatında sürətli və davamlı inkişafa nail olmuşuq. Azərbaycanın təşəbbüsü və iştirakı ilə həyata keçirilən transmilli layihələr qlobal iqtisadiyyatda mühüm rol oynayır. 

Ölkəmizin kosmik strategiyası uzunmüddətli perspektivə yönəlib və dövlət siyasətinin prioritet istiqamətlərindən birini təşkil edir. 2013-cü ildə ilk peykinin buraxılmasından sonra Azərbaycan kosmik klubun üzvü olub və bu gün kosmik fəzanın istifadəsi sahəsində fəaliyyətini 3 peyklə davam etdirir.Son iyirmi ildə Azərbaycan Respublikasının Prezidenti İlham Əliyevin rəhbərliyi altında bir çox sahələrdə olduğu kimi, elm sahəsində də böyük uğurlara imza atılıb. Ölkəmizdə elm, istehsal və sahibkarlığın birgə inkişafına dəstək verilir, Azərbaycanın yüksək texnologiyalar sahəsində inkişafı və beynəlxalq aləmə inteqrasiyasının sürətləndirilməsi, eləcə də qeyri-neft sektorları üzrə ideya və biliklərin dəstəklənməsi məqsədilə əhəmiyyətli layihələr həyata keçirilir, müxtəlif dövlət əhəmiyyətli sənədlər qəbul olunur.

Ad gününüz mübarək olsun cənab Prezident!

Həcər Emin qızı Hüseynova

Azərbaycan Dövlət Pedaqoji Universiteti, filologiya fakültəsi; 

BAAU, MMU HETİ