Azərbaycanın neft pulları ilə özünə dəbdəbəli həyat quran Şahmar Hüseynov kimdir? – İDDİA

Azneft İstehsalat Birliyinin Baş Direktoru Şahmar Hüseynov sözügedən vəzifəsindən azad olunduqdan qısa müddət sonra onun adı bir sıra xoşagəlməz məqamlarda hallanmağa başladı. Bu barədə etibarlı mənbədən daxil olan məlumata əsasən deyilir. Şahmar Hüseynov Azneft İstehsalat Birliyinin Baş Direktoru təyin onuduqdan bir il sonra Azərbaycan Dövlət Neft Şirkətinin (SOCAR) “Azneft” İstehsalat Birliyinin dövlətə külli miqdarda vergi borcu üzə çıxıb.

Belə ki, Azneft İstehsalat Birliyinin Baş Direktoru əlində olan imkanlardan yararlanaraq, o cümlədən əlaqələrini işə salaraq gəlirlərini nəzərəçarpacaq dərəcədə artırmağa müvəffəq olduğunu vurğulayan məlumatlı şəxsin paylaşdığı informasiyaya görə, əslən Qazax rayonunun Eynallı kəndindən olan Şahmar Hüseynovun adı bir çox xoş olmayan olaylarda çəkilib. 

-“Şahmar Hüseynovun baş direktoru olduğu “Azneft” İB-nin 219 mln manatdan (219644318.28AZN) çox vergi borcu yaranıb. Sözügedən birliyin nizamnamə kapitalı 460 mln 452 min 534 manatdır. Maraqlıdır Azərbaycanda ən yüksək gəlir yeri olan bu şirkətin dövlətə borcu nədən yaranr? Şahmar Hüseynovun özü və ailəsi lüks həyat şəraitində yaşaması, dəbdəbəli villasının olması ilə bağlı mətbuatda dəfələrlə məlumatlar dərc olunub” (atributinfo.az).

Şahmar Hüseynovun adı təkcə neft üzrə yaranan borclarla bağlı deyil, hətta onun neftin ərazisinə düşən torpaqların satılmasında da hallanır. 

Görəsən Şahmar Hüseynov özünə dəbdəbəli həyat qurmaqda, bahalı avtomobillərin sahibi olduğunu aldığı maaşla həyata keçirib, yoxsa yayılan söz-söhbətlər doğrudur? Şahmar Hüseynovun Azneft İstehsalat Birliyinin Baş Direktoru işlədiyi dövrdə ARDNŞ-nin vergiyə milyonlarla manat borc yarandığına görə bunu ciddiyə almaq və vergi araşdırmaları aparmaq lazımdır.

Davamı var...

Bizi izləyin...

Mövzu ilə əlaqədar qarşı tərəfin də mövqeyini işıqlandırmağa hazırıq.

Zəruri giriş: Şahmar Hüseynov 2 mart 1974-cü ildə Qazax rayonu, Eynallı kəndində (indiki Ağstafa rayonu, Eynallı kəndi) anadan olmuşdur.[mənbə göstərin]O, 1991–1997-ci illərdə Azərbaycan Dövlət Neft Akademiyasının (indiki — ADNSU) "Neft-qaz yataqlarının işlənməsi və istismarı" fakültəsində təhsil alıb.

Şahmar Hüseynov 1991–1996-cı illərdə "Leninneft" Neft-Qaz Çıxarma İdarəsində mexaniki yığma işləri üzrə çilingər, 1991–2010-cu illər arasında isə "Balaxanıneft" Neft-Qaz Çıxarma İdarəsinin müxtəlif vəzifələrində işləmişdir. 2010–2012-ci illərdə "Siyəzənneft" Neft-Qaz Çıxarma İdarəsində baş mühəndis, 2012–2013-cü illərdə H. Z. Tağıyev adına Neft-Qaz Çıxarma İdarəsinin rəisi, 2013–2019-cu illər arasında isə Abşeronneft NQÇİ-nin rəisi vəzifəsində çalışan Şahmar Hüseynov 27 dekabr 2019-cu ildən etibarən "Azneft" İstehsalat Birliyinin baş direktoru təyin edilmişdir, 13 mart 2023-cü ildə işdən azad olunmuşdur.