Menu
Xəbər Lenti
Bakıda vaqon yanıb
Bugün, 10:23

Bakıda vaqon yanıb

Məşhur aktyor vəfat etdi
21-01-2022, 07:33

Məşhur aktyor vəfat etdi

30 dek 13:13Gündəm / İqtisadiyyat / Sosial

SİZİNLƏ FƏXR EDİRİK CƏNAB ALİ BAŞ KOMANDAN İLHAM ƏLİYEV

Hər bir siyasi qüvvənin fəaliyyətinə verilən ictimai qiymət azad seçkilərlə şərtlənir. Məhz bu strateji seçimin nəticəsi olaraq hər bir xalq müəyyən zaman kəsiyində milli inkişaf yolunu, tərəqqi yönümünü müəyyən edir. Çoxluğun maraq və mənafeyini öz fəaliyyətində ehtiva edən, rasional siyasət yeridərək cəlbedici proqram və ideyalarla silahlanan komandanın uğur qazanması isə qaçılmaz olur. Azərbaycan xalqı cənab İlham Əliyevi üç dəfə prezident seçməsi ilə populist və irreal vədlərə deyil, əməli işə, konkret nəticəyə səs vermişdir. Bu tarixi seçim xalqımızın təkamülə əsaslanan demokratik inkişaf tərəfdarı olduğunu, ölkənin taleyini yalnız konkret planlara malik, çevik, işlək və monolit komandaya etibar etdiyini bir daha nümayiş etdirmişdir.

Dövlət başçısı İlham Əliyev son 17 ildə ulu öndər Heydər Əliyev tərəfindən müəyyənləşdirilmiş iqtisadi strategiyanı inamla davam etdirərək Azərbaycanın dinamik inkişafında yeni mərhələnin əsasını qoymuşdur. Bu alternativsiz siyasətin Azərbaycana gətirdiyi böyük uğurlar respublika hüdudlarından kənarda da yüksək etimadla, rəğbətlə qarşılanır. Bir çox qabaqcıl dövlətlərin onilliklər boyu keçdiyi inkişaf və tərəqqi mərhələlərini qısa müddətdə adlayan, keçid dövrü üçün səciyyəvi olan problemlərin öhdəsindən inamla gələn respublikamızın qısa müddətdə əldə etdiyi nailiyyətlər, ilk növbədə, cənab İlham Əliyevin yüksək liderlik keyfiyyətləri ilə izah olunur. Dövlət başçısı məhz bu fenomen keyfiyyətləri sayəsində son on yeddi ildə Azərbaycanın qlobal böhrana qarşı effektiv müqavimətini təmin etmiş, onun mənfi təsirlərinə qarşı preventiv tədbirlər həyata keçirmişdir. Dövlət başçısı bu ada Yer üzündə ümumi sülhün bərqərar olması işinə böyük töhfə verən XXI əsrin görkəmli siyasi xadimi kimi layiq görülmüşdür. Azərbaycan Prezidentinin mükəmməl savada, nadir erudisiyaya malik olmasını da qeyd edərək vurğulamışlar ki, bu keyfiyyətlər onun əksər beynəlxalq tribunalardan ən müxtəlif auditoriya qarşısında nitq söyləməsinə, ölkəmiz üçün mühüm mədəni və iqtisadi layihələrə diqqəti cəlb etməsinə, hamıda həmin layihələrə maraq hissi oyatmasına kömək edir. 

Tanrı bizə Azərbaycanımızın tarixinə qızıl hərflərlə yeni bir səhifə yazan möhtərəm Prezidentimiz cənab İlham Əliyev kimi qətiyyətli Lideri, Ali Baş Komandan kimi cəsur Sərkərdəni, nüfuzlu və tədbirli bir siyasətçini bəxş etmişdir.

Ali Baş Komandanımızın qurduğu Müzəffər Azərbaycan Ordusu 44 günlük Vətən müharibəsində od ürəkli, cəsur zabit və əsgərləri ilə torpaqlarımızın 30 illik işğalına son qoydu, azad olunmuş torpaqlarımızda   üç rəngli bayrağımızı qürurla ucaltdılar.

Azərbaycan xalqı tam əmindir ki, düşmən tərəfindən dağıdılmış kənd, qəsəbə və şəhərlərimiz cənab Prezidentimizin yorulmaz fəaliyyəti sayəsində tezliklə bərpa olunaraq, ölkəmizin  abad və cənnət bir məkanına çevriləcək.  Bu gün tarixin ən qüdrətli  Azərbaycanın yaradıcısı olan cənab İlham Əliyev Azərbaycan dövlətinin, vətəndaşının talehinə, Azərbaycan xalqının tarixinə ən böyük, ən gur işıq salır  və bu işıqlı yolla bizləri böyük zəfərlərə çatdırır.  Azərbaycanın bu günki inkişafının məhz  Heydər Əliyev siyasi məktəbinin davamçısı möhtərəm Prezident tərəfindən uğurla həyata keçirilməsi nəticəsində mümkündür.  Bu gün Vətən müharibəsində qazanılmış böyük zəfəri bizə bəxş edən, torpaqlarımızı düşməndən geri alan, öz adını Dövlətimizin şanlı tarixinə qızıl hərflərlə yazan Ali Baş Komandanımızı böyük Sərkərdə adlandırsaq, heç də yanılmarıq.  44 günlük müharibə dövründə cənab Prezidentin yaxın silahdaşı, Heydər Əliyev Fondunun rəhbəri Mehriban xanım Əliyevanın həyata keçirdiyi humanizim missiyasını da yüksək qiymətləndiririk. Azərbaycan  tarixi uğurlarını məhz cənab İlham Əliyevin rəhbərliyi altında əldə etmişdir.  Azərbaycanın Zəfər Qələbəsini xalqımıza yaşadan Ali Baş Komandanımıza dərin minnətdarlıq hissimi bildirirəm.  Bu gün xalqımız şərəfli bir tarix yaşayır.  Cənab Prezidentin milli maraqlara söykənən siyasətinin nəticəsidir ki, 44 günülük Vətən müharibəsində oğullarımız yeni bir Zəfər tarixi yaza bildilər və 30 illik işğala son qoyaraq  üç rəngli bayrağımızı ruhumzun paytaxtı olan Şuşada, azad olunmuş kənd, qəsəbə və şəhərlərimizdə ucaltdılar.  

Ali Baş Komandan İlham Əliyev bu qələbə ilə Azərbaycan xalqının qəlbində özünə taxt qurdu, heykəlləşdi. Sözsüz ki, Ali Baş Komandanın və Azərbaycan ordusunun hər bir əsgəri haqqında bir-birindən gözəl əsərlər yazılacaq, şeirlər, nəğmələr qoşulacaq, abidələr ucaldılacaq.  Bu Böyük Qələbə ilə ən böyük əsəri Ali Baş Komandanımız İlham Əliyev yazdı; Qarabağ zəfəri! Ən gözəl sözlərin; ”Qarabağ Azərbaycandır!”, “Əziz Şuşam, Sən azadsan!”, ən gözəl heykəlin; qəlbimizdə ucaltdığı Qalib Sərkərdə heykəlinin müəllifi oldu.

Başda Müzəffər Ali Baş Komandan, iki əsrin sərkərdəsi İlham Əliyev cənablarını və doğma Azərbaycan xalqını “31 dekabr Dünya Azərbaycanlılarının Həmrəylik Günü”nü təbrik edirəm, uzun ömür, can sağlığı, firavan həyat arzu edirəm.


Əbülfət Qocayev

“Meyvəli” MMC-nin rəhbəri