“Ekspertizalar qətlə yetirilmiş azərbaycanlıların işgəncələrə məruz qaldığını göstərir”
Edamdan sağ çıxan Krista bir həftə sonra özünə gəldi - İki ölümcül iynə onu öldürməmişdi
“Gənclər üçün HR sahəsində karyera: İlk addımlardan peşəkar inkişafa” adlı panel müzakirəsi keçirilib
Olimp Hospital və Azərbaycan Gənc Müəllimlər Assosiasiyasının birgə təşkilatçılığı ilə Müəllimlər Gününə həsr olunmuş maarifləndirici seminar keçirilib.
“Məktəbəqədər təhsil: keyfiyyətli başlanğıc, dayanıqlı inkişaf” konfransı keçirilib
İMZA Sosial İnkişafa Dəstək İctimai Birliyinin İdarə Heyətinin növbəti iclası keçirilib.
Polkovnik Elmar Hüseynov: "Vətən müharibəsi əvvəlki döyüşlərin məntiqi nəticəsi idi" - RTV
“BBG Energy” Oman bazarında yeni strateji mərhələyə qədəm qoyur - “Hema Energy” ilə əməkdaşlıq rəsmiləşdirildi
ƏDALƏTİN ALİ ÜNVANINA — ALİ MƏHKƏMƏNİN PEŞƏKAR FƏALİYYƏTİNƏ VƏ MÜLKİ KOLLEGİYANIN ƏDALƏT MÜHAKİMƏSİNƏ TÖHFƏLƏRİNƏ YÜKSƏK QİYMƏT
Deputat Sevinc Fətəliyeva ilə bağlı qarayaxma xarakterli iddialara hüquqi və faktoloji aydınlıq – MÖVQE
Kral taxtından imtina edib - Həvəskar qapıçı olmağı seçdi
Uqandanın Toro Krallığında yeni kralın seçilməsi prosesi böhranla üzləşib. Kral IV Oyo Nyimba Kabamba İquru Rukidinin varisi kimi seçilən həvəskar qapıçı Corc Desmond Kamurasi taxtdan imtina edib.
“Qafqazinfo” xəbər verir ki, 36 yaşlı Corc Desmond Kamurasi Londonda İngiltərə futbolunun doqquzuncu liqasında çıxış edən “Si Dons” klubunun kapitanı və qapıçısıdır.
O, 21 üzvdən ibarət kral varislik komitəsinin əsas namizədi olub. Səsvermədə iştirak edən 18 üzvdən 15-i onun namizədliyini dəstəkləyib. Lakin Kamurasi digər öhdəliklərini əsas gətirərək taxtı qəbul etməyib.
Uqanda mediasının məlumatına görə, onun Londonda ailəsi var və Kral Oyonun dəfn mərasimi ilə eyni vaxta düşən futbol matçında iştirak etməsi gözlənilirdi.
Kamurasinin imtinasından sonra komitə Uqanda Yayım Korporasiyasında (UBC) aparıcı və redaktor işləyən Şahzadə Edvard Rukidi Kiyanangomanı varis seçib. Lakin mərhum kralın yaxın ailə üzvləri bu qərarı da rədd ediblər.
Taxt uğrunda mübahisə kral ailəsində parçalanmaya səbəb olub. Kralın anası və ailənin digər üzvləri faktiki olaraq ev dustaqlığında saxlandıqlarını bildiriblər.
Kralın bacısı Şahzadə Rut Komuntale isə ona və Kraliça Anna Best Kemigisaya qarşı sui-qəsd hazırlandığını bildirib. O, həmçinin Kral Oyonun 2022-ci ildə hazırladığı bildirilən vəsiyyətnaməni yayımlayıb. Sənəddə adı açıqlanmayan “bioloji oğul”un varis kimi göstərildiyi bildirilir.
Bu iddia Toro elitasında təəccüb doğurub, çünki kralın belə bir oğlunun olduğu barədə bir çox şəxsin xəbəri olmayıb.
Üç yaşında taxta çıxan və 31 il Toro Krallığını idarə edən Kral Oyo 34 yaşında ABŞ-də xərçəng müalicəsi alarkən vəfat edib. O, uzun müddət dünyanın ən gənc hakimiyyətdə olan monarxı kimi tanınıb.
Kralın dəfn mərasimində Uqanda Prezidenti Yoveri Museveni tərəfləri məsələnin sülh və qanuni yollarla həllinə çağırıb.
Kraliça Anna isə taxt uğrunda mübarizənin ailənin oğullarının ölümünə yas tutmasına mane olduğunu bildirib: “Mən taxt uğrunda mübarizə aparanlara müraciət edirəm: Xahiş edirəm, bütün bunlar vaxtında gələcək. Gəlin yas tutaq və oğlum Kral Oyonu dəfn edək”.
Qeyd edək ki, Uqanda respublika olsa da, ölkədə dörd ənənəvi krallıq rəsmi şəkildə tanınır. Bu krallıqlar hazırda mədəni funksiyalar daşıyır və məhdud siyasi səlahiyyətlərə malikdir.
