Menu
Xəbər Lenti
İranda zəlzələ baş verib
18-03-2023, 12:26

İranda zəlzələ baş verib

Azərbaycan nefti bahalaşıb
17-03-2023, 10:20

Azərbaycan nefti bahalaşıb

İMANOV ƏSƏD XALİD OĞLU
15-03-2023, 14:51

İMANOV ƏSƏD XALİD OĞLU

14 mar 13:06Gündəm

ANAR - 85


14 mart - Azərbaycan Yazıçılar Birliyinin sədri, Xalq yazıçısı Anar müəllimin ( Anar Rəsul oğlu Rzayev) doğum günüdür.
Özünü Sözə, ədəbiyyata həsr etmiş ağsaqqal ziyalımız,  ustad ədibimizi dünyaya gəldiyi gün, ömür təqviminin 85 illiyi  münasibətilə sözün işığında qutlayıram. Tanrı qorusun!

Sözün işığında yol gedənlərin
Düşər çöhrəsinə Tanrı işığı.
Ağsaqqal zirvəsi fəth edənlərin
İlahi qüdrətdən nur yaraşığı.

Hər kəsin əməli - onun aynası,
Sənin söz çələngin, qələmin örnək.
Ağsaqqal yolunun idrak-mayası
Haqqa, həqiqətə yön olan məslək.

Dünya işığına göz açan andan
Ömür dediyimiz bir yol üstəyik.
Belə xəlq edibdi Ulu Yaradan,
Təpədən-dırnağa arzu-istəyik...

              ✍️Tapdıq ƏLİBƏYLİ