Vətənpərvər sahibkar xanım Zərniyar Kərimova - Milli birliyə və dövlətçiliyə sədaqətin nümunəsi

Azərbaycan cəmiyyətində vətənpərvər mövqeyi, fəal ictimai mövqeyi və sahibkarlıq sahəsindəki uğurlu fəaliyyəti ilə tanınan Zərniyar Kərimova ölkəsinə və xalqına bağlı nümunəvi xanım sahibkarlardandır. O, fəaliyyəti ilə sübut edir ki, müasir sahibkar yalnız iqtisadi gəlir əldə edən şəxs deyil, eyni zamanda dövlətinə, millətinə və milli-mənəvi dəyərlərinə xidmət edən vətəndaşdır.

Zərniyar Kərimovanın sahibkarlıq fəaliyyəti dürüstlük, şəffaflıq və sosial məsuliyyət prinsipləri üzərində qurulub. O, yaratdığı iş yerləri ilə ailələrin rifahına töhfə verir, gənclərin peşəkar inkişafına dəstək olur və qadın sahibkarlığının inkişafında fəal rol oynayır. Onun təşəbbüsləri həm iqtisadi canlanmaya, həm də cəmiyyətdə sağlam sosial mühitin formalaşmasına xidmət edir.

Xanım Zərniyar Kərimova hər zaman dövlətçiliyi və milli maraqları uca tutur. O, Prezident cənab İlham Əliyevin apardığı müdrik daxili və xarici siyasəti dəstəkləyir, Azərbaycanın inkişaf yoluna inamla baxır. Xüsusilə şəhid ailələrinə, müharibə veteranlarına və sosial həssas təbəqədən olan insanlara göstərdiyi diqqət və qayğı onun humanist və xeyirxah xarakterinin bariz göstəricisidir. Bu fəaliyyət onun vətənpərvərliyinin sözlə deyil, əməli işlərlə ifadə olunduğunu göstərir.

31 Dekabr – Dünya Azərbaycanlılarının Həmrəyliyi Günü hər bir azərbaycanlı üçün milli qürur və birlik rəmzidir. Qürurla qeyd edilməlidir ki, bu əlamətdar günün ideya-siyasi əsasını Ulu Öndər Heydər Əliyev qoymuşdur. Məhz dahi liderin uzaqgörən siyasəti nəticəsində dünya azərbaycanlılarının bir amal ətrafında birləşməsi dövlət səviyyəsində strateji məqsədə çevrilmişdir. Bu gün azərbaycançılıq ideologiyası məhz həmin möhkəm təməl üzərində inkişaf edir və güclənir.

Zərniyar Kərimova bu müqəddəs həmrəylik ideyasını daim yüksək dəyərləndirir. O, hesab edir ki, Azərbaycanın bu gün əldə etdiyi nailiyyətlərin əsas səbəblərindən biri xalq-dövlət birliyi və milli həmrəylikdir. Dünyanın harasında yaşamasından asılı olmayaraq, hər bir azərbaycanlının Vətənlə mənəvi bağını qoruması onun üçün xüsusi əhəmiyyət daşıyır.

2026-cı ilin gəlişi və 31 Dekabr – Dünya Azərbaycanlılarının Həmrəyliyi Günü münasibətilə vətənpərvər sahibkar xanım Zərniyar Kərimova bütün Azərbaycan xalqını, xaricdə yaşayan soydaşlarımızı səmimi-qəlbdən təbrik edir, hər kəsə möhkəm cansağlığı, ailə səadəti, bol ruzi və yeni uğurlar arzulayır. O, yeni ilin ölkəmizə sülh, sabitlik, inkişaf və daha böyük zəfərlər gətirəcəyinə dərin inam bəsləyir.

Zərniyar Kərimovanın fəaliyyəti müasir Azərbaycan qadınının gücünü, vətənpərvərliyini və milli dəyərlərə sədaqətini parlaq şəkildə əks etdirir.

Fərid Faiqoğlu

AJB-nin üzvü