“Shirvan Operating Company Ltd” Şirkətinin Azərbaycan Respublikasındakı Filialında 28 aprel – Ümumdünya Əməyin Mühafizəsi Günü münasibətilə tədbir keçirilib.
Xeyriyyəçi, vətənpərvər xanım Zərniyar Kərimova: “Zərifə Əliyeva – elmə, insanlığa və Vətənə həsr olunmuş ömür”
"Shirvan Operating Company LTD" Şirkətinin Həmkarlar İttifaqı Komitəsinin sədri Taleh Məmmədov: “Elm və mərhəmətin vəhdəti-Zərifə Əliyeva zirvəsi”.
Monteneqroda bıçaqlı insidentə görə Azərbaycan vətəndaşı da saxlanıldı
Monteneqroda oktyabrın 25-də Podqoritsanın Zabjelo məhəlləsində “MJ” adlı yerli sakinin bıçaqlanmasında Azərbaycan vətəndaşının da adı hallanır.
“Qafqazinfo” xəbər verir ki, yayılan məlumatlarda sözügedən şəxsin Azərbaycan və Türkiyə vətəndaşları tərəfindən bıçaqlandığı bildirilir.
Polis açıqlayıb ki, bıçaqlanmadan sonra kazinoya sığınan şübhəlilərdən Azərbaycan vətəndaşı Y.G. (31) və Türkiyə vətəndaşı N.D. (54) saxlanılıb. Hadisə ilə bağlı 45 nəfər keçici olaraq polis nəzarətinə alınıb, 8 nəfər deportasiya olunub, 2 nəfərə isə məhkəmə nəzarəti tətbiq edilib.
Hadisədən sonra Azərbaycan və Türkiyə icmalarına qarşı etirazlar və hücum cəhdləri baş verib.
Oktyabrın 27-də polis türkiyəli vətəndaşlara hücum hazırlığında olduğu iddia edilən bir neçə Monteneqro vətəndaşını da saxlayıb. Əməliyyat zamanı beysbol dəyənəkləri və digər hücum alətləri ələ keçirilib.
Monteneqro Prezidenti Yakov Milatoviç hadisəni pisləyərək ictimaiyyəti sakit və soyuqqanlı olmağa çağırıb, Baş nazir Miloyko Spayiç isə artan gərginlik səbəbilə Türkiyə vətəndaşlarına vizasız girişin müvəqqəti dayandırıldığını açıqlayıb.
