“Atəşgah” Sığorta Şirkəti media nümayəndələri üçün tədbir təşkil edib - Fotolar

“Atəşgah” Sığorta Şirkəti Azərbaycan Milli Mətbuatının 150 illik yubileyi münasibətilə baş ofisində xüsusi tədbir təşkil edib.

“Qafqazinfo” xəbər verir ki, tədbirdə ölkənin aparıcı media qurumlarının rəhbərləri və tanınmış jurnalistlər iştirak ediblər. Qonaqlar əvvəlcə şirkətin departament və şöbələrinin fəaliyyəti ilə tanış olub, iş şəraiti barədə məlumat alıblar. Daha sonra tədbirin rəsmi hissəsinə start verilib.

Tədbirdə “Atəşgah” Sığorta Şirkətinin İdarə Heyətinin sədri Elçin Əhmədov çıxış edib, ardından “Atəşgah Həyat” Sığorta Şirkətinin İdarə Heyətinin sədri Azər Əliyev media nümayəndələrini təbrik edib.

Tədbirdə Milli Mətbuat Gününə həsr olunmuş videoçarx nümayiş olunub, qonaqlara üzərində “150 il” yazısı olan xatirə yaxa sancaqları və fəxri təltifnamələr təqdim edilib.

Daha sonra “Atəşgah” Şirkətlər Qrupunun 2024-cü il üzrə strategiyası və fəaliyyət istiqamətlərini əhatə edən təqdimat keçirilib. Rəsmi hissə şirkət himninin səsləndirilməsi ilə başa çatıb.

Tədbirin qeyri-rəsmi hissəsində isə media nümayəndələri və şirkət rəhbərliyi birgə nahar edərək səmimi müzakirələr aparıblar. “Atəşgah” Sığorta Şirkəti media ilə səmərəli əməkdaşlığı və qarşılıqlı etimada əsaslanan əlaqələri daim yüksək qiymətləndirir, bu münasibətlərin davamlı inkişafına önəm verir.