300 bal toplayan şagird sirrini açdı
"Belə nəticə olacağından tam əmin deyildim. Amma 300 bal toplaya biləcəyimi güman edirdim".
Bunu Modern.az-a açıqlamasında 2 mart tarixli buraxılış imtahanlarında maksimum nəticə əldə edən Lənkəran rayonunundakı Xarici dil təmayüllü internat orta məktəbin şagirdi Fizuli Həsənov deyib.
O bildirib ki, imtahana planlı şəkildə hazırlaşıb:
"Ən əsası da vaxtı düzgün bölmək idi. İmtahana az müddət qaldıqda isə hər bir fənni dəfələrlə təkrar etməyə üstünlük verdim.Təhsilimi tibb sahəsi üzrə davam etdirməyi düşünürəm".
"Düşünürəm ki, imtahana planlı şəkildə hazırlaşmaq və çox çalışmaq ən önəmlisidir. İmtahana az müddət qalmış fənlərin hər birinin təkrarına xüsusi diqqət yetirmək lazımdır. Bundan başqa çoxlu sınaq işləməyin də böyük faydası var, bunun sayəsində mövzuları daha yaxşı mənimsəmək olar. Həmçinin, imtahana hazırlıq dövründə yuxu rejiminin də önəminin böyük olduğunu düşünürəm", deyə F.Həsənov vurğulayıb.
