DİM xarici dil üzrə fəlsəfə doktoru imtahanı verəcək iddiaçılara müracət edib

İddiaçılar “İmtahana buraxılış vərəqəsi”ni çap edə bilərlər

Məlum olduğu kimi, Dövlət İmtahan Mərkəzi (DİM) tərəfindən doktorantura, dissertantura və adyunkturada təhsil alan və ya təhsilini bitirmiş iddiaçıların xarici dil üzrə fəlsəfə doktoru imtahanı 2022-ci il dekabrın 11-də keçiriləcək.

DİM-dən bildirilib ki, iddiaçılar (o cümlədən dekabrın 13-də Azərbaycan dili imtahanı verəcək əcnəbilər) “İmtahana buraxılış vərəqəsi”ni bu linkdən çap edə bilərlər.

Qeyd edək ki, iddiaçı imtahana gələrkən şəxsiyyətini təsdiq edən sənədin əslini, “İmtahana buraxılış vərəqəsi”ni mütləq gətirməlidir.

Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmayacaq.