“Ən çətin günlər geridə qaldı...” - Ərdoğan
“Türkiyə Suriyanın yeni administrasiyası ilə sıx əlaqə saxlayır və ona hər cür dəstəyi verəcək”.
“Qafqazinfo” “NTV Türkiyə”yə istinadən xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasının yekunlarına dair açıqlamasında deyib.
“Biz tez bir zamanda Dəməşqdəki səfirliyimizin işini bərpa etdik. Xarici işlər nazirimiz Hakan Fidan Dəməşqdə səfərdə idi. Müvəqqəti administrasiya ilə olduqca səmimi danışıqlar apardıq. Ümid edirəm ki, gələcəkdə səfərlərimizin sayı daha da artacaq. Ən çətin günlər geridə qaldı”, - deyə Ərdoğan bildirib.
