Azərbaycanda keçirilən mötəbər tədbirlər ölkəmizə olan inam və etibarın bariz nümunəsidir
İmişli rayonunda 1İyun Uşaqların Beynəlxalq Müdafiəsi Gününə həsr olunmuş tədbir keçirilib
“Mən fəxr edirəm ki, Heydər Əliyev dövrünün ziyalıları ilə çiyin-çiyinə çalışıram”- Pirşağı Bələdiyyəsinin sədri Əfsanə Rəhimova
Mikayıl Cabbarov 1 İyun - Uşaqların Beynəlxalq Müdafiəsi Günü münasibətilə paylaşım edib
"Cahan" Şirkətlər Qrupu 1 İyun Uşaqlar Günündə şəhid ailələrinin övladlarını unutmadı
Elçin Əmirbəyov: “Zəngəzur dəhlizi Ermənistan və Azərbaycan arasında sülh üçün mühüm vasitə ola bilər”
“Zəngəzur dəhlizi Ermənistan və Azərbaycan arasında etimadın möhkəmləndirilməsi və sülhün bərqərar olması üçün mühüm vasitə ola bilər”.
Bunu Antalya Diplomatiya Forumunda keçirilən panel müzakirəsi zamanı Azərbaycan Prezidentinin Xüsusi tapşırıqlar üzrə nümayəndəsi, səfir Elçin Əmirbəyov deyib.
“Avrasiyada əməkdaşlığın yeni dinamikası” sessiyasında çıxış edən diplomat vurğulayıb ki, sırf iqtisadi səmərə ilə yanaşı, post-münaqişə mühitində ölkələr arasında nəqliyyat əlaqələrinin bərpası həm də mühüm etimad quruculuğu rolunu oynaya və sülh üçün faydalı addıma çevrilə bilər.
“Bunun bariz nümunəsi Zəngəzur dəhlizi layihəsidir ki, bu layihə nəinki Ermənistanla Azərbaycan arasında birbaşa nəqliyyat əlaqələri yarada bilər, həm də Ermənistanın regionda iqtisadi təcridinə son qoya bilər. Bundan əlavə, bu layihənin həyata keçirilməsi bölgədəki digər ölkələrin, ilk növbədə Türkiyə, Rusiya və İranın maraqlarına tam cavab verəcək və fayda verəcəkdir. Həmçinin, Zəngəzur dəhlizi artıq mövcud olan Transxəzər Beynəlxalq Orta Dəhlizinə alternativ marşrut ola bilər, Çini Mərkəzi Asiya və Cənubi Qafqaz vasitəsilə Azərbaycan və Gürcüstan ərazisidən keçməklə Avropa ilə birləşdirə bilər.
Ümid edirik ki, üç ildən artıqdır öhdəliklərini yerinə yetirməkdən yayınan və faktiki olaraq Zəngəzur vasitəsilə nəqliyyat əlaqələrinin bərpasına mane olan İrəvan nəhayət, bu layihənin Ermənistan üçün tam faydasını dərk edəcək. Əks halda, arzu edilən “kəsişmənin” regional dalana dirənməsi riski var”, - deyə E.Əmirbəyov yekunlaşdırıb.