Əfqanıstanda hərbi helikopter qəzaya düşdü - 3 ölü, 1 yaralı

Əfqanıstanın mərkəzi hissəsindəki Vərdək vilayətində “Mİ-17” hərbi helikopteri qəzaya düşüb. Nəticədə üç nəfər həlak olub, bir nəfər yaralanıb.
Xezertv.info “Qafqazinfo”ya istinadən xəbər verir ki, bu barədə Əfqanıstan Müdafiə Nazirliyi məlumat verib. Açıqlamada Əfqanıstan Hərbi Hava Qüvvələrinə məxsus helikopterin qəzaya düşməsinə texniki problemlərin səbəb olduğu bildirilib.
Buna baxmayaraq, “Taliban” açıqlama verərək helikopterin onlar tərəfindən vurulduğunu bildirib.
Əfqanıstan Milli Təhlükəsizlik Şurasının sözçüsü Rəhmatullah Enderin sözlərinə görə, may ayı ərzində “Taliban” ölkədə 1 455 hücum həyata keçirib və çoxsaylı itkilərə səbəb olub.