Paşinyan tərəfdaşlarına Brüssel görüşündən danışıb: Vədlər, LGBT-nin təşviqi, gizli razılaşmalar
Ümummilli lider Heydər Əliyev Azərbaycanda müstəqil elektrik enerjisi sisteminin yaradıcısıdır
Qazaxın dörd kəndinin qaytarılması Prezident İlham Əliyevin xalqa növbəti hədiyyəsidir - RƏY
Hikmət Hacıyev: “Azərbaycanın COP29-a ev sahibliyi etməsi siyasi cəsarətimizin təcəssümüdür”
Muxtar Babayev: “COP29 yoxsul ölkələrə yardımın planlaşdırılması üçün böyük önəm kəsb edir”
Quba Rayon Polis Şöbəsinin (RPŞ) təşkilatçılığı ilə rayonun Talabıqışlaq kənd tam orta məktəbində antinarkotik təbliğatı çərçivəsində tədbir təşkil olunub.
Körpə Elvinin anası: “Ona nəsə olsa, mən yaşaya bilmərəm, yardımsevər şəxslərə yalvarıram”
ATF prezidenti: “Azərbaycan çempionatını hər il Mingəçevirdə keçirməyi planlaşdırırıq”
“Azərbaycan çempionatını hər il Mingəçevirdə keçirməyi planlaşdırırıq".
“Report”un Mingəçevirə ezam olunmuş əməkdaşının məlumatına görə, bunu Azərbaycan Triatlon Federasiyasının (ATF) prezidenti Fərid Fərhadzadə jurnalistlərə açıqlamasında deyib.
O bildirib ki, hazırda bu məsələ müzakirə olunur:
“İştirakçılar da öz fikirlərini bildirəcəklər. İdmançıları dinləyəcəyik ki, hansısa nöqsan varsa, aradan qaldıraq. Əminəm ki, gələn il ölkə çempionatı daha yüksək səviyyədə keçiriləcək və bundan da çox idmançı iştirak edəcək”.
Qurum rəhbəri hazırda davam edən ölkə çempionatı ilə bağlı da məlumat verib. Onun sözlərinə görə, əsas məqsəd triatlonu Azərbaycanda tanıtmaqdır:
“Çox sevindirici haldır ki, Azərbaycanın gənclər paytaxtı Mingəçevirdə ölkə çempionatı keçirilir. Triatlon üzmək, velosiped sürmək və qaçmaqdan ibarətdir. Buna baxmayaraq, bugünkü yarışda 100 iştirakçı var. Onun 41 nəfəri yeniyetmədir. Federasiya olaraq qarşımıza qoyulan hədəflərdən biri triatlonu ölkədə tanıtmaq, idmançıların sayını artırmaqdır. Ən vacibi yerli idmançıları yetişdirməkdir”.
Federasiya prezidenti bölgələrdə triatlonun inkişafı üçün əllərindən gələni etdiklərini vurğulayıb:
“Mən federasiya prezidenti vəzifəsinə gələndə idmançılarımızın sayı çox az idi. Qarşımıza qoyulan hədəflərə uyğun olaraq regionlardan uşaqlar cəlb edirik. Bir ay ərzində Sumqayıtdan 4 idmançı cəlb olundu. Cənab Prezident İlham Əliyev tərəfindən regionlardakı Olimpiya İdman Komplekslərində yüksək səviyyədə şərait yaradılıb. Məşqçilərlə birlikdə komplekslərdə düzgün sistem qurmaq istəyirik ki, uşaqların bu idman növünə marağı olsun”.
Fərid Fərhadzadə əlavə edib ki, Azərbaycan triatlonçusu Rastislav Pevtsova böyük ümidlər var:
“Hazırda bir legionerimiz var, Rastislav Pevtsov. Onun Paris-2024 Yay Olimpiya Oyunlarına vəsiqə qazanacağına inanırıq”.