Çeşməlinin içməli su problemi nə zaman həll olunacaq ?

50 il öncə yaradılan Şəkinin Çeşməli kəndində yaşayış genişlənib.


Hazırda bu kəndin 250 evi, 750 nəfərə yaxın sakini var.

Adından da göründüyü kimi kənddə 50-dən çox qaynar bulaq, 15-ə yaxın göl var. Çeşməlinin tarixən içməli su təminatı da bu göllər vasitəsi ilə mümkün olub.

Kəndin müxtəlif ərazilərinə göllərdən borularla su çəkilib. Hazırda da əsasən iki göldən içməli su mənbəyi kimi istifadə olunur. Amma ərazinin mühafizə olunmaması suyun çirklənməsinə səbəb olur.