Xəbər Lenti
Dün, 12:05
Mikayıl Cabbarov Səudiyyə Ərəbistanında keçirilən Dünya İqtisadi Forumunda iştirak edəcək
26-04-2024, 13:39
Botanika İnstitutunun alimləri Şərqi Zəngəzur icmalarına biomüxtəlifliyi tanıtmaq üçün dəyirmi masa keçirib
26-04-2024, 10:22
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
26-04-2024, 10:10
İcma Avropa Parlamentinin Azərbaycana qarşı sanksiyalar tətbiq etməyə çağıran qətnaməsini pisləyib
26-04-2024, 08:59
Azərbaycanı Mərkəzi Asiya ilə çoxəsrlik əməkdaşlıq, dostluq, qarşılıqlı fəaliyyət bağları birləşdirir
İdman gimnastikası üzrə Azərbaycan birinciliyi və Bakı çempionatında iştirak gücümüzü sınamaq imkanı verir - Ağamurad Qəhrəmanov
Kişi idman gimnastikası üzrə 27-ci Azərbaycan birinciliyi və Bakı çempionatında iştirak gücümüzü sınamaq imkanı verir. Bu barədə yarış iştirakçısı Ağamurad Qəhrəmanov deyib.
"Bu gün proqram mənim üçün daha çətin idi. Ümid edirəm ki, sabah, yarışın son günündə daha yaxşı olacaq. Yarış gücümüzü sınamaq üçün əla fürsətdir, bu, beynəlxalq startdan əvvəl xüsusilə vacibdir", - idmançı deyib.
Qeyd edək ki, Bakıda keçiriləcək Dünya Kubokunda digər Azərbaycan idmançıları ilə yanaşı Ağamurad Qəhrəmanov da ölkəmizi təmsil edəcək. O, üç proqramda çıxış edəcək.
"Dünya çempionatına hazırlıq yaxşı gedir. Məşqçi bizə inanır və mən də əlimdən gələni etməyə çalışacağam. Yaxşı nəticəyə ümid edirəm. Öz doğma ölkəndə keçirilən iri beynəlxalq yarışlarda çıxış etmək böyük qürur və məsuliyyətdir”, - deyə A.Qəhrəmanov bildirib.
Qeyd edək ki, martın 25-26-da Milli Gimnastika Arenasında keçiriləcək Qadın idman gimnastikası üzrə 6-cı, Kişi idman gimnastikası üzrə 27-ci Azərbaycan Birinciliyi və Bakı Çempionatında Ocaq Sport, Bakı Gimnastika Məktəbi, Sumqayıt Olimpiya İdman Kompleksi, Sumqayıt İxtisaslaşdırılmış Olimpiya Ehtiyatları Uşaq Gənclər İdman Məktəbi və Balakəni təmsil edən 69 idmançı qüvvəsini sınayacaq.
Yarışda gimnastlar balacalar (kişilər-2013-2014/qadınlar - 2014-2015), uşaqlar (kişilər - 2011-2012/ qadınlar - 2012-2013), yeniyetmələr (kişilər - 2009-2010/qadınlar - 2010-2011), gənclər (kişilər - 2005-2008/qadınlar - 2007-2009), böyüklər (kişilər 2004-cü il təvəllüdlü və daha böyük/ qadınlar 2006-ci il təvəllüdlü və daha böyük) yaş kateqoriyaları üzrə öz ustalıqlarını nümayiş etdirəcəklər.
İki illik fasilədən sonra xüsusi karantin rejimi çərçivəsində yumşalma tədbirləri ilə əlaqədar olaraq tamaşaçılar Milli Gimnastika Arenasında idman gimnastikası üzrə yarışları da izləyə biləcəklər.
Yarışlarda tamaşaçı qismində iştirak edəcək şəxslər etibarlı olan COVID-19-a qarşı peyvənd olunmanı təsdiqləyən peyvənd sertifikatına və ya COVID-19-dan sağalaraq immunitetə malik olmanı təsdiqləyən sənədə, COVID-19-a qarşı peyvənd əks-göstərişi müəyyən edən əks-göstəriş sertifikatına (yaşı 18-dən aşağı olan şəxslər istisna olmaqla) malik olmalıdırlar.