Xəbər Lenti
18-11-2025, 19:45
General-mayor Vurğun Süleymanovun adı keçən dələduzluq iddiası: qarşı tərəf susur, zərərçəkən danışır
17-11-2025, 15:55
İsmayıl Zalovun beynəlxalq hüquq arenasında uğurlu addımı – tanınmış hüquq professoru Aron Boris Aleksandor Roter ilə görüş Azərbaycanın hüquqi imicinə töhfədir
17-11-2025, 10:55
Asiya İnkişaf Bankının prezidenti "Veysəloğlu"nun Məhəmmədi Logistika Mərkəzi ilə tanış oldu
17-11-2025, 09:19
Gəncə Şəhər Baş Polis İdarəsinin rəisi Teymur Hacıyev: "Milli Dirçəliş Günü Azərbaycanın müstəqilliyinin bərpasında tarixi rol oynayıb".
17-11-2025, 09:09
İş adamı Cəbrayıl Cəbrayılov: "Milli Dirçəliş Günü Azərbaycanın müstəqilliyinin bərpasında tarixi rol oynayıb".
Göyçayda qaz sızması nəticəsində baş verən partlayış yanğına səbəb olub
Göyçayda fərdi evdə qaz sızması nəticəsində baş verən partlayış yanğına səbəb olub.
Hadisə şəhərin Şakərəm Qurbanov küçəsi 12 ünvanında yerləşən evdə baş verib. Belə ki, İslam Əliyevə məxsus mənzilin suqızdırıcısında olan nasazlıq nəticəsində yaxın məsafədə yerləşən qaz sayğacında partlayış baş verib. Beş metr hündürlüyə qalxan alov evin çardaq hissəsində yanğına səbəb olub.
Hadisə yerinə Fövqəladə Hallar Nazirliyinin Göyçay Dövlət Yanğından Mühafizə Hissəsinin avtomobilləri və canlı qüvvəsi cəlb olunub. Qısa müddətdə alovun qarşısı alınıb, ev yanğından mühafizə edilib. Küçənin qaz xəttində və sayğacda yaranan yanğının söndürülməsi üçün tədbirlər görülüb. Su şırnaqları vasitəsilə alovun yenidən evə keçməsinin qarşısı alınıb.
Hadisə yerinə gələn təcili tibbi yardım stansiyasının işçiləri partlayış zamanı qorxu və həyəcan keçirən insanlara tibbi yardım göstəriblər. Xoşbəxtlikdən xəsarət alan olmayıb.
Faktla bağlı araşdırma aparılır.
