Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
ŞÜKRAN SOLTANOV – ADINA, AMALINA VƏ MƏNƏVİ DÜNYASINA LAYİQ YAŞAYAN, VƏTƏNİNƏ, İNSANLIĞA VƏ ALLAHININ LÜTFÜNƏ ŞÜKÜR EDƏN BƏNDƏ!
ŞÜKRAN SOLTANOV – MƏRHƏMƏTİN, QAYĞININ, DİQQƏTİN VƏ İNSANLIĞIN BİR ADI! HƏYATIN AĞIR SINAQLARINDAN UĞUR ZİRVƏSİNƏ UZANAN ŞƏRƏFLİ ÖMÜR YOLU
Qax RİH-nin başçısı Elvin Paşayev: 17 NOYABR – MİLLİ DİRÇƏLİŞ GÜNÜ, TARİXİ YADDAŞDAN MÜASİR AZƏRBAYCANIN QÜDRƏTİNƏ DOĞRU
TALEH QARAŞOVDAN MİLLİ QƏHRƏMAN PƏNCƏLİ TEYMUROVUN ANASINA YÜKSƏK EHTİRAM VƏ DİQQƏT
Vətənə sədaqət, torpağa bağlılıq, milli-mənəvi dəyərlərə ehtiram xalqımızın əsrlər boyu yaşatdığı ən ali keyfiyyətlərdəndir. Azərbaycan tarixinin qəhrəmanlıq salnaməsinə öz adını qızıl hərflərlə yazdıran şəhidlərimizin əziz xatirəsinin yaşadılması, onların ailələrinə xüsusi diqqət və qayğı göstərilməsi dövlət siyasətinin mühüm istiqamətlərindən biridir. Bu siyasətin təməlində isə Ulu Öndər Heydər Əliyevin müəyyənləşdirdiyi və bu gün Prezident, Müzəffər Ali Baş Komandan cənab İlham Əliyev tərəfindən uğurla davam etdirilən milli birlik, vətənpərvərlik və insan amilinə yüksək dəyər prinsipləri dayanır.
Noyabrın 19-da Lənkəran Şəhər İcra Hakimiyyətinin başçısı Taleh Qaraşovun Azərbaycanın Milli Qəhrəmanı Pəncəli Teymurovun anası Vahimə Teymurova ilə görüşü də şəhid ailələrinə göstərilən diqqət və ehtiramın növbəti nümunəsi kimi diqqət çəkib.
Qəbul zamanı icra başçısı Taleh Qaraşov Vətənimizin azadlığı, müstəqilliyi və ərazi bütövlüyü uğrunda canlarından keçmiş qəhrəmanlarımızın xalqımızın yaddaşında əbədi yaşayacağını vurğulayıb. O bildirib ki, Azərbaycanın hər qarış torpağı uğrunda mübarizə aparan, öz həyatını Vətən yolunda fəda edən igid oğullarımızın qəhrəmanlığı heç zaman unudulmayacaq. Onların göstərdikləri şücaət gələcək nəsillər üçün əsl vətənpərvərlik məktəbidir.
Taleh Qaraşov şəhid ailələrinə, qazilərə və Milli Qəhrəmanlarımızın ailə üzvlərinə dövlət səviyyəsində göstərilən qayğının xüsusi əhəmiyyət daşıdığını qeyd edib. İcra başçısı Vahimə Teymurovaya ehtiramını ifadə edərək onun qayğı və problemləri ilə maraqlanıb, müraciət və istəklərini dinləyib.
Əlbəttə, Azərbaycanın Milli Qəhrəmanının anası olmaq böyük qürurla yanaşı, övlad itkisi ilə bağlı heç zaman sağalmayan bir ağrını da özündə ehtiva edir. Pəncəli Teymurov kimi igid oğulların qəhrəmanlığı Azərbaycan xalqının milli yaddaşının ayrılmaz hissəsidir. Belə qəhrəmanların valideynlərinə göstərilən diqqət, onların sosial və məişət qayğılarının dinlənilməsi, problemlərinin həlli istiqamətində addımların atılması cəmiyyətin mənəvi borcudur.
Görüşdə Vahimə Teymurova səmimi qəbula və göstərilən diqqətə görə Lənkəran Şəhər İcra Hakimiyyətinin başçısı Taleh Qaraşova təşəkkürünü bildirib. O, şəhid ailələrinə və qəhrəmanlarımızın yaxınlarına göstərilən yüksək dövlət qayğısına görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlığını ifadə edib.
Qeyd etmək lazımdır ki, Prezident İlham Əliyevin rəhbərliyi ilə Azərbaycanda şəhid ailələrinin sosial müdafiəsinin gücləndirilməsi, onların mənzil-məişət şəraitinin yaxşılaşdırılması, qazilərin reabilitasiyası və cəmiyyətə inteqrasiyası istiqamətində ardıcıl tədbirlər həyata keçirilir. Birinci vitse-prezident Mehriban xanım Əliyevanın da şəhid ailələrinə, müharibə veteranlarına və sosial qayğıya ehtiyacı olan insanlara göstərdiyi diqqət və həssas münasibət bu humanist siyasətin mühüm tərkib hissəsidir.
Lənkəran Şəhər İcra Hakimiyyətinin başçısı Taleh Qaraşovun Milli Qəhrəman Pəncəli Teymurovun anası ilə görüşü bir daha göstərir ki, qəhrəmanlarımızın ailələrinə ehtiram yalnız sözlə ifadə olunmamalı, real diqqət və qayğı ilə müşayiət edilməlidir. Şəhid analarının qapısını döymək, onların halını soruşmaq, dərdlərinə şərik olmaq və ehtiyaclarına həssas yanaşmaq yüksək insani keyfiyyətlərin, dövlətçilik məsuliyyətinin və mənəvi dəyərlərə sədaqətin göstəricisidir.
Azərbaycan xalqı Vətən uğrunda canından keçən oğullarını heç zaman unutmayacaq. Onların adları, qəhrəmanlıq nümunələri və valideynlərinin fədakarlığı tariximizin şərəfli səhifələrində daim yaşayacaq. Milli Qəhrəman Pəncəli Teymurovun xatirəsinə ehtiram, anası Vahimə xanıma göstərilən diqqət də məhz bu müqəddəs dəyərlərin təzahürüdür.
Xezertv.info






















































