Taleh Qaraşov şəhid Ələkbərov İlqarın anasının hüzr mərasimində iştirak edib

İyulun 7-də Lənkəran Şəhər İcra Hakimiyyətinin (ŞİH) başçısı Taleh Qaraşov Birinci Qarabağ müharibəsi zamanı şəhid olan Ələkbərov İlqar Adil oğlunun anası Ələkbərova Sevgili Cahangir qızının hüzr mərasimində iştirak edib. Şəhidin ailə üzvlərinə başsağlığı verən icra başçısı bildirib ki, Vətən uğrunda canından keçən qəhrəman igidlərimizin xatirəsi daim xalqımızın qəlbində yaşayacaq, onlar torpaqlarımızın azadlığı uğrunda misilsiz qəhrəmanlıq göstərərək tarix yazıblar və onların ailələrinə qayğı göstərmək hər birimizin mənəvi borcudur.

    Şəhid ailəsinin üzvləri də onlara göstərilən diqqət və ehtirama görə təşəkkür ediblər və bütün bunlara görə dövlət başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

http://lenkeran-ih.gov.az/az/news/taleh-qarasov-sehid-elekberov-ilqarin-anasinin-huzr-merasiminde-istirak-edib.html