Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
SƏFƏRALİYEV QANBOY ƏHMƏDALI OĞLU – LAÇININ ALXASLI KƏNDİNİN VƏTƏN NAMİNƏ ŞƏHİDLİK ZİRVƏSİNƏ UCALAN İGİD OĞLU!
Əsabil Qasımov 5 milyonluq əmlakı ələ keçirib, indi də sahibini və mətbuatı susdurmağa çalışır
BDYPİ-nin YPX Alayının 7-ci tağımının post komandiri Süleyman – “Dövlətə və dövlətçiliyə sədaqət andı”
Nəvəsinin andiçməsindən sonra meyiti tapılan Mirzəcan kişi ilə bağlı - Yeni detallar
Azərbaycan incəsənəti Çilidə: Santyaqoda Zəfər Gününə həsr olunmuş beynəlxalq sərgi açılıb
Qax RİH-nin başçısı Elvin Paşayev: KONSTİTUSİYA – MÜSTƏQİL AZƏRBAYCANIN QÜRURU, DÖVLƏTÇİLİYİNİN HÜQUQİ SÜTUNU VƏ XALQIN İRADƏSİNİN TƏCƏSSÜMÜ
“Türkiyə ilə Azərbaycanın bağları müvəqqəti fikir ayrılıqlarından daha dərindir” - Bağçalı
“Türk dövlətləri arasındakı münasibətlər kənardan formalaşdırılacaq siyasi layihələrə, geosiyasi hesablamalara və ayırıcı planlara sığmayacaq qədər dərin tarixi köklərə malikdir”.
“Qafqazinfo” xəbər verir ki, bu barədə Türkiyənin Milliyyətçi Hərəkat Partiyasının (MHP) sədri Dövlət Bağçalının partiyanın İdarə Heyətinin iclasından sonra yaydığı yazılı açıqlamada bildirilib.
“Türk dünyasının gələcəyi müstəqil dövlətlərimizin suverenliyinə, qarşılıqlı hörmətə, bərabərhüquqlu tərəfdaşlığa, etimada və qardaşlıq münasibətlərinə əsaslanır.
Gələn həftə Ankarada keçiriləcək Türk Dövlətləri Təşkilatının Zirvə toplantısı məhz bu tarixi məsuliyyətin və ortaq gələcək iradəsinin mühüm təzahürü olacaq”, - açıqlamada vurğulanır.
Qeyd olunub ki, türk dünyasının gücünü qarşılıqlı etimad və həmrəylik içərisində tapmalı olduğu aydındır: “Bu birlikdən narahatlıq duyanların gözləntiləri qardaş dövlətlərimizin ortaq iradəsi qarşısında nəticəsiz qalacaq.
Cənab Prezidentimizin Azərbaycan Prezidenti İlham Əliyevi Ankaradakı Zirvə toplantısına dəvət etməsi Türkiyə-Azərbaycan münasibətlərinin tarixi və strateji əhəmiyyətinin qorunması baxımından xüsusi önəm daşıyır.
Türkiyə ilə Azərbaycan arasındakı bağlar gündəlik siyasi hadisələrdən və müvəqqəti fikir ayrılıqlarından daha dərin olan ortaq tarix, dil, mədəniyyət, qarşılıqlı etimad və xalqımızın mənəvi birliyi üzərində qurulub.
Dövlətlər arasında fərqli yanaşmalar və həllini gözləyən məsələlər, əlbəttə, ortaya çıxa bilər. Əsas məsələ bu problemləri qardaşlıq münasibətlərinə xələl gətirmədən, qarşılıqlı anlaşma və birbaşa dialoq yolu ilə həll etmək iradəsi nümayiş etdirməkdir.
Türkiyə ilə Azərbaycanın bir-birinə olan etimadının qorunması iki dövlət arasındakı həmrəyliyin davam etdirilməsi və Türk dünyasının ortaq gələcəyinin təmin olunması baxımından əvəzolunmazdır”.























































