Azərbaycan polisi — dövlətçiliyin, qanunun və ictimai təhlükəsizliyin keşiyində

24 avqust 2026-cı il tarixində beynəlxalq hüquq müdafiəçisi İsmayıl Zalov və hüquqşünas-kriminoloq Faxir Ağayev videoformatda çıxış edərək Azərbaycan Respublikasının Daxili İşlər Nazirliyinin və Azərbaycan polisinin cəmiyyətin təhlükəsizliyinin qorunmasında, hüquq qaydasının təmin edilməsində və cinayətkarlığa qarşı mübarizədə oynadığı mühüm rol barədə dəyərli fikirlər səsləndiriblər.

Bu çıxış sadəcə hüquq-mühafizə orqanlarının fəaliyyətinə verilən müsbət qiymət deyil, həm də Azərbaycan polisinin müasir dövrün çağırışları qarşısında nümayiş etdirdiyi peşəkarlığa, fədakarlığa və dövlətə sədaqətə olan yüksək ictimai dəyərin ifadəsidir.

Beynəlxalq hüquq müdafiəçisi İsmayıl Zalov öz çıxışında xüsusi vurğulayıb ki, o, beynəlxalq hüquqi müstəvidə, o cümlədən Avropa məhkəməsində etdiyi bəyanatlarda da Azərbaycan polisinin fəaliyyətinə yüksək qiymət verib. Onun sözlərinə görə, Azərbaycan polisi öz peşəkarlığı, nizam-intizamı, vətəndaşların təhlükəsizliyinin qorunmasına verdiyi önəm və qanunun aliliyinə sadiqliyi ilə bir çox ölkələrin hüquq-mühafizə orqanları üçün nümunə ola biləcək təcrübəyə malikdir.

Bu fikirlər Azərbaycan polisinin illər ərzində keçdiyi inkişaf yoluna verilən mühüm qiymətdir. Azərbaycan polisi bu gün təkcə cinayət törədildikdən sonra hadisəyə müdaxilə edən bir qurum deyil. Polis həm də ictimai asayişin qorunması, insanların təhlükəsiz həyatının təmin edilməsi, vətəndaşların hüquq və azadlıqlarının müdafiəsi və dövlətçiliyin möhkəmləndirilməsi istiqamətində böyük məsuliyyət daşıyan mühüm dövlət institutudur.

Cinayətkarlığa qarşı qətiyyətli və prinsipial mübarizə

İsmayıl Zalov və Faxir Ağayevin çıxışlarında diqqət çəkən əsas məqamlardan biri də Azərbaycan polisinin cinayətkarlığa qarşı apardığı qətiyyətli, prinsipial və barışmaz mübarizə idi. Qanunu pozan, insanların hüquqlarına zərər vuran və cəmiyyətin təhlükəsizliyini təhdid edən şəxslər bilməlidirlər ki, Azərbaycan dövləti və onun hüquq-mühafizə orqanları qanunsuzluğa qarşı qətiyyətli mövqedədir.

Cinayətkarlığa qarşı mübarizə yalnız cinayətlərin açılması demək deyil. Bu, eyni zamanda cinayətlərin qarşısının alınması, insanların təhlükəsizliyinin təmin edilməsi, ictimai asayişin qorunması və cəmiyyətdə hüquqi məsuliyyət hissinin gücləndirilməsi deməkdir. Azərbaycan polisi bu istiqamətdə gecə-gündüz, istirahət bilmədən xidmət edir.

Hər bir polis əməkdaşı öz vəzifəsini yerinə yetirərkən böyük məsuliyyət daşıyır. Bəzən bir insanın təhlükəsizliyi, bir ailənin rahatlığı, bir uşağın gələcəyi və bütövlükdə cəmiyyətin asayişi məhz polis əməkdaşının operativliyindən və peşəkarlığından asılı olur. Bu baxımdan polis əməkdaşlarının əməyi yüksək hörmətə layiqdir.

Polisə hörmət — dövlətə və qanuna hörmətdir

Azərbaycan Respublikasının Daxili İşlər Nazirliyi ölkəmizdə sabitliyin və ictimai təhlükəsizliyin təmin edilməsində mühüm rol oynayır. Polis əməkdaşları hər zaman vətəndaşların yanında olmaqla, onların təhlükəsizliyinin keşiyində dayanmaqla öz şərəfli xidmətlərini davam etdirirlər.

Hüquqşünas-kriminoloq Faxir Ağayevin də çıxışında səsləndirdiyi fikirlər hüquq sistemində polis əməkdaşlarının rolunun nə qədər vacib olduğunu bir daha göstərir. Cinayətkarlıqla mübarizədə peşəkar yanaşma, hüquqi bilik, operativlik və qanuna sədaqət əsas prinsiplərdən biridir.

Azərbaycan polisi xalqın içindən çıxan, xalqın təhlükəsizliyi üçün çalışan və Azərbaycan dövlətinin qanunlarının keşiyində dayanan şərəfli bir qurumdur. Polis əməkdaşlarına hörmət etmək, əslində, dövlətə, qanuna və ictimai təhlükəsizliyə hörmət etməkdir.

Bu gün Azərbaycan vətəndaşları rahat şəkildə öz gündəlik həyatlarını davam etdirirlərsə, bunun arxasında gecə-gündüz xidmət aparan, asayişi qoruyan və təhlükəsizliyimiz üçün çalışan minlərlə polis əməkdaşının zəhməti dayanır.

Beynəlxalq hüquq müdafiəçisi İsmayıl Zalovun Azərbaycan polisinin Avropa polislərinə nümunə ola biləcəyi barədə səsləndirdiyi fikirlər hər birimiz üçün qürurvericidir. Bu sözlər Azərbaycan polisinin fəaliyyətinə, onun qazandığı təcrübəyə və peşəkarlığına olan yüksək etimadın göstəricisidir.

Azərbaycan polisi dövlətimizin qüdrətinin, qanunun aliliyinin və xalqımızın təhlükəsizliyinin mühüm təminatçılarından biridir.

Eşq olsun Azərbaycan polisinə!

Qoy Azərbaycan polisi bundan sonra da yüksək peşəkarlıqla, cəsarətlə və qanuna sədaqətlə xidmətini davam etdirsin, dövlətimizin və xalqımızın təhlükəsizliyinin keşiyində daim ayıq-sayıq dayansın!

Yaşasın Azərbaycan! Yaşasın Azərbaycan polisi!

Müəllif: ARHD.MEDİYA İnformasiya Agentliyinin Ağsu rayon üzrə rəsmi nümayəndəsi Ramil Abışov