“Atəşgah” Sığorta KTS üzrə yeni məhsullarını təqdim edir

Müştərilərinə innovativ və etibarlı sığorta həlləri təqdim etməyə davam edən “Atəşgah” Sığorta Şirkəti ASC Könüllü Tibbi Sığorta (KTS) istiqamətində məhsul portfelini genişləndirib.

“Qafqazinfo” xəbər verir ki, yeni məhsullar sırasında “Tələbəm”, “Ailəm” və “Sağlam qal” paketləri yer alır.

Sözügedən sığorta məhsulları müştərilərə müxtəlif tibbi xidmətlərdən yararlanmaq, sağlamlıqlarının qorunmasına dəstək olmaq və keyfiyyətli tibbi xidmətlərə daha rahat çıxış əldə etmək imkanı yaradır.

Bundan əlavə, müştərilər üçün ödəniş imkanları da daha əlçatan şəkildə təqdim olunur. “Birkart” və “Tamkart” vasitəsilə ödəniş zamanı sığorta haqqını 6 aya bölərək hissəli şəkildə ödəmək mümkündür. Bu imkan müştərilərə seçdikləri tibbi sığorta paketlərindən daha rahat və çevik şəkildə yararlanmağa şərait yaradır.

Yeni məhsullar haqqında ətraflı məlumat almaq üçün “940” nömrəsi ilə əlaqə saxlamaq kifayətdir.