Quba Yol Təmir və İstismar İdarəsinin rəisi İlham Cəbrayılovun 65 illik yubileyi münasibətilə təbrik

Hörmətli İlham müəllim!

Sizi əlamətdar 65 illik yubileyiniz münasibətilə səmimi qəlbdən təbrik edir, Sizə möhkəm cansağlığı, uzun ömür, ailə səadəti və fəaliyyətinizdə yeni-yeni uğurlar arzulayırıq.

Siz uzun illərdir ki, məsuliyyətli və şərəfli fəaliyyətinizlə dövlətə, xalqa və cəmiyyətə nümunə olan insanlardan birisiniz. Quba 9 Saylı XTY İstismar İdarəsinin rəhbəri kimi çalışdığınız müddətdə yol infrastrukturunun inkişafı, insanların rahat və təhlükəsiz hərəkətinin təmin olunması istiqamətində gördüyünüz işlər hər zaman yüksək qiymətləndirilib. Sizin rəhbərliyiniz altında həyata keçirilən layihələr bölgənin inkişafına böyük töhfə verməklə yanaşı, dövlətimizin yol siyasətinin uğurla icrasına da xidmət edib.

İlham müəllim, Sizi tanıyan hər kəs yaxşı bilir ki, Siz işinizə daim vicdanla yanaşan, kollektiv arasında hörmət qazanan, zəhmətkeş və qayğıkeş rəhbərsiniz. Sadəliyiniz, səmimiyyətiniz və insanlara olan diqqətiniz Sizi hamının sevdiyi bir şəxsiyyətə çevirib. Siz təkcə peşəkar idarəçi deyil, eyni zamanda insanlara dayaq olan, onların sevincinə və kədərinə şərik çıxan dəyərli bir ziyalısınız.

Bu gün 65 yaşınızı qeyd edərkən arxada qalan illərə qürurla baxmaq üçün kifayət qədər səbəbiniz var. Çünki həyat yolunuz zəhmət, dürüstlük, dövlətə sədaqət və xalqa xidmət prinsipləri üzərində qurulub. Məhz bu keyfiyyətlər Sizi kollektivin və ictimaiyyətin rəğbətini qazanan nüfuzlu insanlardan birinə çevirib.

Yubiley insan ömrünün ən mənalı və əlamətdar anlarından biridir. Bu gözəl gündə Sizə ən xoş arzularımızı çatdırır, bundan sonrakı həyatınızın da uğur və sevinclərlə dolu olmasını diləyirik. Arzu edirik ki, hər zaman ailənizin, dostlarınızın və kollektivinizin sevgisi ilə əhatə olunasınız. Uca Allah Sizə sağlam və xoşbəxt ömür nəsib etsin.

Sizin kimi təcrübəli və vətənpərvər insanların fəaliyyəti gənc nəsil üçün də örnəkdir. İnanırıq ki, bundan sonra da öz bilik və təcrübənizlə ölkəmizin inkişafına töhfələr verməyə davam edəcəksiniz.

Bir daha 65 illik yubileyiniz münasibətilə Sizi ürəkdən təbrik edir, həyatınızın hər gününün xoşbəxtlik, sevinc və uğurlarla yadda qalmasını arzulayırıq.

Doğum gününüz mübarək olsun, hörmətli İlham müəllim!