İsrail ordusu Qəzzaya dəqiq zərbə endirdiyini elan etdi

Qəzza zolağında yerləşən İsrail hərbçiləri fələstinli şəxsə atəş açıb.

Oxu.Az-ın xəbərinə görə, bu barədə İsrail Müdafiə Qüvvələrinin mətbuat xidmətindən məlumat verilib.

Məlumata görə, həmin şəxs İsrail qoşunlarının yerləşdiyi sarı xətti keçərək hərbçilərə yaxınlaşıb.

İsrail tərəfinin versiyasına görə, hərbçilər hesab ediblər ki, şəxs "birbaşa təhlükə daşıyır" və onun koordinatlarını İsrail Hərbi Hava Qüvvələrinə ötürüblər, bundan sonra o, hava zərbəsi ilə məhv edilib.