“Aysberq” Pivə İstehsalat Müəssisəsinin Təsisçisi Qasım Muradov – Sahibkarlıq uğuru, yenilikçi düşüncə və milli iqtisadi inkişafa töfhə

Azərbaycan iqtisadiyyatının dayanıqlı inkişafında yerli sahibkarlığın, xüsusilə də istehsal sahəsinin rolu danılmazdır. Müasir çağırışlara cavab verən, milli bazarda keyfiyyətli məhsullarla seçilən müəssisələrin formalaşması məhz uzaqgörən və təşəbbüskar iş adamlarının fəaliyyəti sayəsində mümkün olur. Bu baxımdan “Aysberq” Pivə İstehsalat Müəssisəsinin təsisçisi Qasım Muradov Azərbaycan sahibkarlıq mühitində özünəməxsus yeri olan, zəhməti və iradəsi ilə uğura imza atan nümunəvi biznesmen kimi tanınır.

Qasım Muradovun sahibkarlıq yolu zəhmət, əzm və ardıcıl inkişaf prinsipləri üzərində qurulmuşdur. O, biznes fəaliyyətinə başlayarkən qarşısına yalnız maddi qazanc məqsədi qoymamış, eyni zamanda yerli istehsalın inkişafına töhfə verməyi, yeni iş yerləri yaratmağı və Azərbaycan məhsulunun keyfiyyət göstəricilərini yüksəltməyi əsas prioritet kimi müəyyən etmişdir. Məhz bu yanaşma “Aysberq” brendinin qısa müddətdə bazarda tanınmasına və istehlakçı etimadı qazanmasına şərait yaratmışdır.

“Aysberq” Pivə İstehsalat Müəssisəsi bu gün müasir texnologiyalara əsaslanan, keyfiyyət və təhlükəsizlik standartlarına ciddi riayət edən istehsal müəssisəsi kimi seçilir. Qasım Muradov istehsal prosesində innovativ yanaşmanı ön plana çəkərək, avadanlıqların müasirliyi, xammalın keyfiyyəti və məhsulun dad xüsusiyyətlərinə xüsusi diqqət yetirmişdir. Nəticədə “Aysberq” məhsulları yerli bazarda özünəməxsus dadı və sabit keyfiyyəti ilə seçilərək geniş istehlakçı kütləsinin rəğbətini qazanmışdır.

Qasım Muradovun sahibkarlıq fəlsəfəsində məsuliyyət anlayışı mühüm yer tutur. O, biznesin yalnız istehsal və satışdan ibarət olmadığını, eyni zamanda cəmiyyət qarşısında sosial öhdəliklər daşıdığını hər zaman önə çəkir. Müəssisədə çalışan işçilərin sosial rifahının təmin olunması, əmək şəraitinin yaxşılaşdırılması və təhlükəsizlik qaydalarına ciddi əməl edilməsi onun daim diqqət mərkəzindədir. Bu səbəbdən “Aysberq”də formalaşmış sağlam iş mühiti kollektivin daha məhsuldar və məsuliyyətli fəaliyyət göstərməsinə imkan yaradır.

Qasım Muradov həm də peşəkar komanda formalaşdırmağı bacaran rəhbərdir. O, kadr seçimində bilik və bacarıqla yanaşı, vicdanlılıq və işə bağlılıq kimi keyfiyyətləri əsas meyar kimi götürür. Gənc mütəxəssislərin yetişdirilməsi, onların təcrübə qazanması və peşəkar inkişafı üçün yaradılan imkanlar müəssisənin uzunmüddətli uğur strategiyasının əsas hissəsidir. Bu yanaşma “Aysberq”in davamlı inkişafını təmin edən əsas amillərdən biridir.

Onun fəaliyyəti yalnız iqtisadi sahə ilə məhdudlaşmır. Qasım Muradov sosial layihələrə və xeyriyyə təşəbbüslərinə də daim həssas yanaşan sahibkarlardandır. İmkan daxilində şəhid ailələrinə, qazilərə və sosial həssas təbəqədən olan insanlara göstərilən dəstək onun yüksək mənəvi dəyərlərə malik bir şəxsiyyət olduğunu göstərir. Bu cür addımlar Qasım müəllimin cəmiyyət tərəfindən hörmətlə qarşılanmasının əsas səbəblərindəndir.

Qasım Muradov dövlətçilik prinsiplərinə sadiq, ölkənin iqtisadi inkişaf strategiyasını dəstəkləyən iş adamıdır. O, Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən sahibkarlığın inkişafı, yerli istehsalın stimullaşdırılması və qeyri-neft sektorunun gücləndirilməsi siyasətini yüksək dəyərləndirir və bu siyasətə öz fəaliyyəti ilə töhfə verir. Yerli məhsulun təşviqi və milli brendin formalaşdırılması onun biznes strategiyasının əsas xəttini təşkil edir.

“Aysberq” Pivə İstehsalat Müəssisəsinin uğurları Qasım Muradovun uzaqgörənliyinin, riskləri düzgün qiymətləndirmə bacarığının və davamlı yenilik axtarışının nəticəsidir. O, bazar tələblərini diqqətlə izləyir, istehlakçı zövqünü nəzərə alır və məhsul çeşidinin daim təkmilləşdirilməsinə çalışır. Bu isə müəssisənin rəqabət qabiliyyətini artıraraq onu bazarda möhkəm mövqeyə sahib edən əsas faktorlardandır.

İnsani keyfiyyətləri ilə də seçilən Qasım Muradov sadəliyi, səmimiyyəti və kollektivə yaxınlığı ilə hörmət qazanmışdır. O, əldə etdiyi uğurlara baxmayaraq təvazökarlığını qoruyur, hər bir nailiyyəti komandanın birgə zəhmətinin nəticəsi kimi qiymətləndirir. Məhz bu yanaşma onu həm uğurlu sahibkar, həm də nümunəvi insan kimi tanıdır.

Sonda, qarşıdan gələn 2026-cı il Yeni ilin gəlişi və 31 dekabr – Dünya Azərbaycanlılarının Həmrəyliyi Günü münasibətilə Qasım müəllimi və “Aysberq” Pivə İstehsalat Müəssisəsinin bütün kollektivini ürəkdən təbrik edirik. Onlara möhkəm cansağlığı, ailə səadəti, işlərində bol uğurlar, yeni-yeni nailiyyətlər və daim artan istehlakçı etimadı arzulayırıq. Qoy 2026-cı il birlik, həmrəylik, inkişaf və firavanlıq ili olsun!

Fərid Faiqoğlu

AJB-nin üzvü