İsmail Zalovun Kanal S-ə xüsusi müsahibəsi: Azərbaycan Çin Döyüş Növləri Assosiasiyası – Kung-Fu Federasiyasının peşəkar idarəçiliyi və uğurlu fəaliyyəti yüksək qiymətləndirildi

Arhd.Az saytının rəhbəri, hüquq eksperti, hüquq üzrə fəlsəfə doktoru, Azərbaycan Çin Döyüş Növləri Assosiasiyası Kung-Fu Federasiyasının hüquqşünası və beynəlxalq hüquq eksperti İsmail Zalov tərəfindən Kanal S televiziyasına verilən xüsusi müsahibə çərçivəsində Federasiyanın rəhbər heyətinin və struktur bölmələrində təmsil olunan məsul şəxslərin fəaliyyəti yüksək qiymətləndirilmişdir.

Müsahibə zamanı vurğulanmışdır ki, Federasiyanın prezidenti Nurlan Aslanov milli və beynəlxalq idman siyasətini uzaqgörənliklə formalaşdıran, Kung-Fu idman növünün Azərbaycanda sistemli və davamlı inkişafına nail olan, prinsipial və peşəkar idarəçi kimi seçilir. Onun rəhbərliyi altında Federasiya institusional baxımdan möhkəmlənmiş, idman ictimaiyyəti arasında yüksək nüfuz qazanmışdır.

Federasiyanın vitse-prezidenti Ehram Məcidov idman ustası və əməkdar məşqçi kimi zəngin təcrübəsini idarəetmə sahəsində uğurla tətbiq edərək, Kung-Fu üzrə milli komandanın beynəlxalq arenalarda uğurla təmsil olunmasına mühüm töhfələr vermişdir.

Vitse-prezident Babək Əliyev idarəçilik bacarığı, məsuliyyətli yanaşması və prinsipial mövqeyi ilə Federasiyanın idarəetmə mexanizminin səmərəliliyinin artırılmasında xüsusi rol oynayan rəhbər şəxslərdən biri kimi qeyd olunmuşdur.

Federasiyanın katibi Nurlana Ağakişiyeva inzibati və sənədləşmə işlərini yüksək peşəkarlıqla icra edən, operativliyi və dəqiqliyi ilə seçilən nümunəvi kadr kimi dəyərləndirilmişdir.

Yeni təyinatlar sırasında Hakimlər Komitəsinin sədri Güloğlan Cabbarovun obyektivlik, ədalətlilik və beynəlxalq Kung-Fu qaydalarına əsaslanan fəaliyyəti yarışların şəffaf və yüksək səviyyədə keçirilməsinə zəmin yaradır.

Gənclərdən ibarət milli komandanın baş məşqçisi Çingiz Eyvazov gənc Kung-Fu idmançılarının fiziki və mənəvi inkişafını prioritet hesab edən, gələcək çempionların yetişdirilməsinə yönəlmiş sistemli hazırlıq modeli ilə fərqlənir.

Komandanın rəisi Gündüz Məmmədov milli Kung-Fu komandasının təşkilati koordinasiyasını peşəkar şəkildə təmin edən, intizam və məsuliyyət prinsiplərini daim ön planda saxlayan idarəçi kimi qeyd olunmuşdur.

Fan klubunun rəhbəri Asif Əliyev Kung-Fu idman növünün cəmiyyət arasında təbliği, azarkeş–idmançı birliyinin möhkəmləndirilməsi və gənclərin idmana təşviqi sahəsində fəal fəaliyyəti ilə seçilir.

Federasiyanın mətbuat katibi Samir Sayılov Kung-Fu üzrə media strategiyasını düzgün formalaşdıran, ictimaiyyətlə operativ və şəffaf informasiya əlaqəsini təmin edən əsas simalardandır.

İctimaiyyətlə əlaqələr şöbəsinin rəisi Fərid Məcidov Federasiyanın ictimai nüfuzunun gücləndirilməsi, dövlət və qeyri-dövlət qurumları ilə əməkdaşlığın inkişaf etdirilməsi istiqamətində ardıcıl və məqsədyönlü fəaliyyət göstərir.

Müsahibənin sonunda beynəlxalq hüquq eksperti İsmail Zalov vurğulamışdır ki, Azərbaycan Çin Döyüş Növləri Assosiasiyası Kung-Fu Federasiyası bu gün yalnız idman qurumu deyil, eyni zamanda milli dəyərləri, intizamı və hüquqi prinsipləri özündə birləşdirən nüfuzlu bir təşkilat kimi formalaşmışdır.