Hüququn aliliyi və ədalətin təminatında Prokurorluğun rolu

Azərbaycan Respublikasında hüquqi dövlət quruculuğunun əsas sütunlarından biri olan Prokurorluq orqanları ölkədə qanunçuluğun təmin edilməsi, ictimai maraqların qorunması və ədalətin bərqərar olunması istiqamətində mühüm və məsuliyyətli fəaliyyət həyata keçirir. Bu fəaliyyətin mərkəzində isə peşəkarlığı, prinsipial mövqeyi və dövlətçilik dəyərlərinə sadiqliyi ilə seçilən Azərbaycan Respublikasının Baş Prokuroru cənab Kamran Əliyevin adı xüsusi hörmətlə qeyd olunur.

Son illər Prokurorluq orqanlarında aparılan institusional islahatlar, şəffaflığın artırılması, vətəndaş məmnunluğunun əsas prioritet kimi müəyyənləşdirilməsi hüquq-mühafizə sisteminə ictimai etimadı daha da gücləndirmişdir. Bu proseslərdə Kamran Əliyevin rəhbərliyi ilə formalaşan müasir idarəetmə yanaşması, hüququn aliliyinə əsaslanan prinsipial mövqe və operativ qərarvermə mühüm rol oynayır.

Xüsusilə korrupsiyaya qarşı mübarizə, ictimai təhlükəsizliyin qorunması, vətəndaşların hüquq və azadlıqlarının müdafiəsi sahəsində Prokurorluq orqanlarının fəaliyyəti dövlətin hüquqi siyasətinin real nəticələrini ortaya qoyur. Qanun qarşısında bərabərlik prinsipinin qorunması, vəzifəsindən asılı olmayaraq hər kəsə eyni hüquqi münasibətin göstərilməsi cəmiyyət üçün olduqca əhəmiyyətlidir.

Bir hüquq tələbəsi və gənc yazar olaraq hesab edirəm ki, Prokurorluq orqanlarının bu cür prinsipial fəaliyyəti gənc hüquqşünaslar üçün də ciddi nümunədir. Bu, hüququn yalnız nəzəri bilik deyil, eyni zamanda məsuliyyət, vicdan və dövlətə xidmət anlayışı olduğunu bir daha sübut edir.

Baş Prokuror Kamran Əliyevin fəaliyyəti göstərir ki, hüquq-mühafizə sistemi yalnız cəza mexanizmi deyil, eyni zamanda cəmiyyətin hüquqi şüurunun formalaşmasına xidmət edən mühüm institutdur. Bu yanaşma hüquqi dövlətin möhkəmlənməsinə və ictimai sabitliyin qorunmasına mühüm töhfə verir.

Azərbaycan Prokurorluğunun bundan sonra da dövlətçilik maraqlarına, qanunçuluğa və ədalət prinsiplərinə sadiq qalaraq fəaliyyətini uğurla davam etdirəcəyinə inam tamdır.

Nihad Cəfərov

ARHD.az saytının Türkiyə üzrə rəsmi nümayəndəsi

Hüquq tələbəsi, Gənc yazıçı