İSMAYIL ZALOV: “İNSAN HÜQUQLARINA HÖRMƏT EDƏK, QANUNLARI POZMAYAQ, AZADLIĞIMIZIN QƏDRİNİ BİLƏK”
İSMAYIL ZALOV: “TÜRKİYƏ VƏ AZƏRBAYCAN — HÜQUQUN ALİLİYİNƏ, İNSAN HÜQUQLARINA VƏ ƏDALƏT PRİNSİPLƏRİNƏ SADIQ İKİ QARDAŞ DÖVLƏT”
Beynəlxalq Hüquq Müdafiəçisi İsmayıl Zalov Ankara Ədalət Məhkəməsində mühüm hüquqi uğura imza atdı – Türk dövlətlərinin vətəndaşı Əhməd azadlığına qovuşdu
31 ilin həsrəti sona çatdı – Şəhid Mais Mirzəcanov adına Yuxarı Nüvədi məktəbinin 1995-ci il məzunlarının unudulmaz görüşü
Azərbaycan nümayəndə heyəti Avropa Şurasının Konqresində
“Avropa Şurası Yerli və Regional Hakimiyyətlər Konqresinin 49-cu sessiyası Strasburqda öz işini artıq başa çatdırıb”.
“Qafqazinfo” xəbər verir ki, bu barədə Belediyye.info-ya Konqresdə Azərbaycanın əsas heyətinin üzvü, Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev məlumat verib.
Onun sözlərinə görə, ölkəmizi bu sessiyada Konqresdə Azərbaycanın əsas heyətinin üzvləri olaraq Təmraz Tağıyev, Hümbət Hüseynov, Samirə Hüseynova və nümayəndə heyətinin katibi Rövşən Məmmədov təmsil edib.
“Avropada yerli özünüidarənin təşviqinin dörd onilliyi: Avropa Xartiyasının 40 ili” mövzusuna həsr olunan cari sessiyanın ilk günündə yeni üzvlərin etimadnamələri təsdiq olunub və eləcə də Avropa Şurasının Baş katibi Alen Bersenin bəyanatı dinlənilib.
Qeyd olunmalıdır ki, Alen Berse çıxışında, o cümlədən, Cənubi Qafqazda Ermənistan və Azərbaycan arasında sonlandırılan münaqişə və hazırda gedən sülh prosesinə ayrıca istinad edib və bu xüsusda hər iki ölkə liderinin səylərini təqdir edib”, - deyə Təmraz Tağıyev bildirib.
