“Gəncə Şərab-2” ASC-nin rəhbəri Namiq Məmmədov – Şəhid və qazi ailələrinin dostu, dövlətinə sədaqətli vətənpərvər şəxsiyyət

Azərbaycanın inkişafında dövlətlə yanaşı, onun fədakar vətəndaşlarının da rolu danılmazdır. Xüsusilə də, ölkənin iqtisadi sahələrində çalışan, həmçinin sosial məsuliyyət hissini unutmayan iş adamları bu gün cəmiyyətimizin dayaqlarından birinə çevriliblər. Bu sırada adını ləyaqətlə və hörmətlə çəkdiyimiz şəxsiyyətlərdən biri də “Gəncə Şərab-2” ASC-nin rəhbəri Namiq Məmmədovdur. O, yalnız uğurlu biznes fəaliyyəti ilə deyil, eyni zamanda dövlətinə, xalqına və şəhid ailələrinə göstərdiyi dərin ehtiram və qayğı ilə tanınır.

Namiq Məmmədovun həyat və fəaliyyət prinsiplərinin əsasını dövlətə sədaqət, qanunlara hörmət və xalqın rifahına xidmət təşkil edir. O, Azərbaycan Respublikasının Prezidenti, Müzəffər Ali Baş Komandan İlham Əliyevin apardığı daxili və xarici siyasəti daim dəstəkləyir və bu siyasətin əsas məqsədini — güclü, müstəqil, firavan Azərbaycan idealını öz fəaliyyəti ilə təcəssüm etdirir.

Namiq müəllim hər zaman bəyan edir ki, müasir Azərbaycan yalnız dövlət rəhbərliyinin qətiyyəti, xalqın birliyi və sahibkarların məsuliyyətli mövqeyi sayəsində bu gün regionun ən sabit və sürətlə inkişaf edən ölkəsinə çevrilib. O da bu inkişafın tərkib hissəsi kimi öz sahəsində nümunə göstərməkdədir.

Namiq Məmmədovun rəhbərlik etdiyi “Gəncə Şərab-2” ASC bu gün təkcə Azərbaycanın deyil, regionun da tanınmış brendlərindən biridir. Şirkət uzun illərin istehsal təcrübəsini, ənənəvi texnologiyaları və müasir avadanlıqları birləşdirərək ölkə iqtisadiyyatına dəyərli töhfələr verir.

Məhsullarının keyfiyyəti, ekoloji təmizliyi və beynəlxalq standartlara uyğunluğu ilə seçilən “Gəncə Şərab-2” bir çox xarici ölkələrə məhsul ixrac edir və Azərbaycanın ixrac potensialının güclənməsinə töhfə verir. Namiq Məmmədovun rəhbərliyi ilə müəssisədə səmərəlilik, şəffaflıq və işgüzar etika prinsipləri əsas fəaliyyət xəttini təşkil edir.

O, hesab edir ki, milli brendin gücü onun keyfiyyətində və etibarındadir. Bu səbəbdən şirkətdə hər bir detal diqqətlə izlənilir, əməkdaşların rifahı və sosial təminatı da daim nəzarətdə saxlanılır.

Namiq Məmmədov yalnız uğurlu sahibkar deyil, həm də xeyirxahlığı ilə tanınan bir insandır. Onun üçün sahibkarlıq sadəcə qazanc mənbəyi deyil, həm də cəmiyyətə xidmət missiyasıdır. Xüsusilə şəhid ailələrinə, qazilərə, müharibə veteranlarına göstərdiyi diqqət və qayğı onun yüksək mənəvi keyfiyyətlərindən xəbər verir.

“Vətən üçün canından keçənlərə borcluyuq” – bu, Namiq müəllimin tez-tez səsləndirdiyi fikirlərdən biridir. O, şəhid ailələrinin və qazilərin sosial vəziyyətinin yaxşılaşdırılması, onların həyat şəraitinə dəstək göstərilməsi istiqamətində çoxsaylı təşəbbüslərlə çıxış edir. Maddi yardımlar, işlə təminat, mənzil-məişət dəstəyi və mənəvi diqqət onun fəaliyyətnin əsas hissələrindəndir.

Namiq Məmmədovun fəaliyyətində səmimiyyət və təvazökarlıq ön plandadır. O, gördüyü işləri reklam xatirinə deyil, insanlıq borcu kimi həyata keçirir. Bu səbəbdən də Gəncə ictimaiyyəti və bölgə sakinləri onu “şəhid və qazi ailələrinin dostu” kimi tanıyır.

İllərdir ki, o, müxtəlif humanitar aksiyaların, sosial layihələrin təşəbbüskarı və dəstəkçisidir. Bayram günlərində şəhid ailələrini ziyarət edir, qazilərlə görüşlər təşkil edir, onlara mənəvi dayaq olur. Onun bu davranışları təkcə bir insanın deyil, bütöv bir vətəndaşlıq mövqeyinin ifadəsidir.

Uğurlu və nüfuzlu insanların hər zaman hədəfə çevrildiyi bir reallıqdır. Lakin Namiq Məmmədov kimi şəffaf, vicdanlı və ləyaqətli şəxslərə atılan istənilən şər-böhtan xalqın gözündə heç bir dəyər daşımır. Çünki onun fəaliyyəti, nümunəvi idarəçilik təcrübəsi və vətənə xidmət əzmi real faktlarla təsdiqlənir.

Bu gün “Gəncə Şərab-2” ASC-nin uğurları, kollektivin yüksək peşəkarlığı və sosial layihələrə verdiyi dəstək Namiq Məmmədovun rəhbərlik keyfiyyətlərinin bariz göstəricisidir. Onun haqqında yayılan yalan məlumatlar isə yalnız məsuliyyətsiz və qərəzli şəxslərin əsassız cəhdləridir.

Əslində, Namiq Məmmədovun fəaliyyəti göstərir ki, vicdanlı əməyə, dürüst niyyətə və xalq sevgisinə qarşı heç bir böhtan dayana bilməz. O, hər zaman işinə və dövlətinə sadiq qalaraq, bu cür cəhdlərə səssiz və ləyaqətli münasibət göstərir — sadəcə öz əməli ilə cavab verir.

Namiq Məmmədov Azərbaycanın gələcəyinə böyük inamla baxır. Onun rəhbərliyi ilə “Gəncə Şərab-2” şirkəti istehsal gücünü artırmaq, yeni ixrac bazarlarına çıxmaq və ölkə iqtisadiyyatına əlavə dəyər yaratmaq istiqamətində mühüm planlar həyata keçirir.

Eyni zamanda, sosial məsuliyyət sahəsindəki təşəbbüslərini də genişləndirməyi qarşısına məqsəd qoyub. Onun fikrincə, sahibkarın əsl vətəndaşlıq borcu yalnız iqtisadi uğurla deyil, həm də xalqına fayda verməklə ölçülür.

Namiq Məmmədov bu gün Azərbaycanda həm sahibkar, həm vətəndaş, həm də xeyirxah insan kimi nümunəvi bir obrazdır. Onun fəaliyyəti sübut edir ki, dövlətə sədaqət, xalqa sevgi və insani dəyərlərə bağlılıq hər zaman qalib gəlir.

“Gəncə Şərab-2” ASC-nin rəhbəri kimi o, iqtisadiyyatın inkişafına xidmət edir, sosial məsuliyyət daşıyıcısı kimi cəmiyyətə mənəvi dayaq olur, şəhid və qazi ailələrinin dostu kimi isə xalqın qəlbində özünə unudulmaz yer qazanır.

Namiq Məmmədov haqqında deyilən bir ifadə onun fəaliyyətini ən dəqiq ifadə edir:
“O, işində peşəkar, insanlıqda nümunə, vətən sevgisində isə əsl fədakardır.”

Bəli, şər və böhtan yaraşmır Namiq Məmmədov kimi ləyaqətli, dövlətinə və xalqına sadiq bir insana. Onun dürüst əməli, təmiz niyyəti və vətənə xidməti bütün əsassız sözlərə ən güclü cavabdır.

Vüqar Əsədov