“Atəşkəsin əldə olunması çox yaxındır” - Rubio

“Qəzzada atəşkəs razılaşmasının əldə olunması “çox yaxın” görünür”.

“Qafqazinfo” xarici KİV-ə istinadən xəbər verir ki, bunu ABŞ-nin dövlət katibi Marko Rubio CNN-ə açıqlamasında deyib.

O, ABŞ Prezidenti Donald Trampın razılaşma əldə olunacağı təqdirdə Yaxın Şərqə səfər edə biləcəyini bildirib.

Qeyd edək ki, ABŞ-nin xüsusi nümayəndəsi Stiv Vitkoff, Trampın qudası, iş adamı, keçmiş baş müşavir Cared Kuşner və İsrailin danışıqlar masasındakı nümayəndəsi Ron Dermer çərşənbə günü Misirdə genişləndirilmiş görüş keçiriblər. Danışıqlar Trampın Qəzza üçün təklif etdiyi atəşkəs planı əsasında aparılır. HƏMAS rəsmisinin bildirdiyinə görə, fələstinli qrup və İsrail tərəfi razılaşma çərçivəsində azad ediləcək girov və məhbusların siyahılarını artıq bir-biri ilə bölüşüb.

Məsələ ilə tanış bir neçə mənbə isə “Axios” nəşrinə bildirib ki, ABŞ, İsrail və Qətər rəsmiləri bu həftə Qəzzadakı müharibənin sona çatdırılması üzrə razılaşmanın əldə ediləcəyinə nikbin yanaşırlar.

Xatırladaq ki, ötən gün gün Misirdəki danışıqlar ilə bağlı çıxşında ABŞ Prezidenti Donald Tramp da yekun nəticənin yaxın olduğunu vurğulamışdı.