Xəbər Lenti
4-10-2025, 19:29
“Shirvan OC Ltd” Şirkəti Həmkarlar İttifaqı Komitəsinin sədri Taleh Məmmədov: “Müəllimlər cəmiyyətin və xalqın nur mənbəyidir”
4-10-2025, 19:17
Bakı şəhəri 14 nömrəli tam orta məktəbin direktoru Rəfail Hüseynov: “Müəllimlər cəmiyyətin ən dəyərli simalarıdır”
4-10-2025, 19:01
Lənkəran rayonu M.H.Mirzəcanov adına Yuxarı Nüvədi kənd tam orta məktəbdə 5 Oktyabr – Beynəlxalq Müəllimlər Günü münasibətilə tədbir keçirilib
4-10-2025, 18:47
S.C.Pişəvəri adına Respublika Humanitar Fənlər Gimnaziyasında 5 Oktyabr - Beynəlxalq Müəllimlər Günü təntənəli şəkildə qeyd olundu - FOTOLAR
4-10-2025, 14:20
Zəngilan rayonu Vətən Müharibəsi Qəhrəmanı Surxay Noçuyev adına 1 nömrəli tam orta məktəbin direktoru Vüsalə Hüseynova: “Peşəkar pedaqoq, əsl ziyalı”
Paşinyan "Yeni konstitusiya" ilə bağlı dediklərində səmimidirmi? (ŞƏRH)
"Nikol Paşinyanın nə dediyini yox, onun necə davrandığını analiz etməyin fərqində olmalıyıq. Çünki onlar danışdıqları kimi hərəkət etmir. Son hərəkətləri, davranışları isə müharibə hazırlığından xəbər verir".
Bunu Qaynarinfo-ya açıqlamasında konfliktoloq Üzeyir Cəfərov Ermənistanın baş naziri Nikol Paşinyanın "Yeni konstitusiyanın mətnində Müstəqillik Bəyannaməsinə istinadlar olmamalıdır" fikrini şərh edərkən deyib.
Həmsöhbətimiz bildirir ki, Paşinyanın bu etirafı Azərbaycanın Ermənistan konstitusiyasının dəyişdirilməsilə bağlı tələbində haqlı olduğunu bir daha təsbit edir:
"Ancaq hesab edirəm ki, burada da Paşinyan səmimi deyil. Azərbaycan tələb edir ki, İrəvan ATƏT-in Minsk Qrupunun ləğvi məsələsinə də razılıq verməlidir. Amma Paşinyan bu məsələdə manipulyativ addımlar atır. Gah deyir ki, belə bir müraciət sülh müqaviləsilə eyni vaxtda, gah da ondan on dəqiqə sonra və ya əvvəl edilə bilər. De-fakto Minsk Qrupunun fəaliyyəti onsuz da mümkün deyil. Amma onun de-yure ləğvi uçün birgə müraciət olunmalıdır. Bundan qaçmaqla, deməli, Paşinyan sülhdə səmimi deyil. Bununla o, vaxt udmağa çalışır".
Ekspertin fikricə, Paşinyan legitim hakimiyyət olsa da, nüfuz hakimiyyətinə malik deyil ki, sülh müqaviləsini bağlaya bilsin:
"De-fakto erməni kilsəsi, diasporu, müxalifəti və xarici qüvvələr Paşinyan üçün ciddi təzyiq qruplarıdır. Digər tərəfdən, eyni məsələ ilə bağlı Paşinyan bir, erməni xarici işlər naziri başqa bir, parlament rəhbəri isə tamamilə fərqli bəyanatlar verir. Yəni Ermənistan konstruktiv ikimənalılıqdan istifadə edir. Belədə sülh görüntüsü yaradırlar, amma reallıqda zaman qazanmağa çalışır, sürətlə silahlanır, hansısa "X” gününə, növbəti revanşizmə hazırlaşırlar"
Konfliktoloq düşünür ki, Paşinyanın nə dediyini yox, onun necə davrandığını analiz etməyin fərqində olmalıyıq:
"Çünki onlar danışdıqları kimi hərəkət etmir. Hərəkətləri, davranışları müharibə hazırlığından xəbər verir. Bu səbəbdən Paşinyanın sülh imitasiyalarına inanmamalıyıq. Ona görə də Minsk Qrupunun ləğvi və konstitusiya dəyişikliyi mütləq olmalıdır. Bu olmadan heç bir sülh müqaviləsindən söhbət gedə bilməz. Paşinyanın bu çabaları nəticəsiz olacaq və Ermənistan yenidən dalan qarşısında qalacaq".
Qeyd edək ki, Ermənistan baş naziri Nikol Paşinyan son bəyanatında yeni Konstitusiyanın mətnində Müstəqillik Bəyannaməsinə istinadlar olmamalıdır fikrini səsləndirib:
"Deyə bilmərəm ki, yeni konstitusiyanın mətnində Müstəqillik Bəyannaməsinə istinad olmalıdır. Yeni Konstitusiyanın mətnində Müstəqillik Bəyannaməsinə istinadlar olmamalıdır. Amma qərarı Ermənistan xalqı verir".
Rüfət Sultan
