Xəbər Lenti
Dünən, 12:58
Nazim Eynallı: Qurum əməkdaşları Şamaxı-Qonaqkənd yolunda fəaliyyətlərini davam etdirir
16-04-2025, 10:27
Azərbaycan Həmkarlar İttifaqları Konfederasiyası ilə STM arasında Memorandum imzalandı
16-04-2025, 10:13
Mərkəzi Asiya dövlətlərinin yunan Kiprinə səfir təyinatından vaxtında xəbəri olmayanlardan hesabat istəniləcək
16-04-2025, 09:57
Sahibkar Xəyalə İsmayılova "Uğur777" Klinikası barədə yayılan məlumatlara münasibət bildirdi
15-04-2025, 18:21
Son günlər Nəsimi rayonunda abadlıq qruculuq işləri rayon sakinlərini olduqca sevindirir - VİDEO+FOTOLAR
15-04-2025, 11:20
“Bioloji Təbabət” klinikasının rəhbəri Elxan Yaqubov: “Elmə, insanlığa və şəfqətə həsr olunmuş bir ömür – professor Zərifə xanım Əliyeva"
Bakıda yarım milyon manat mənimsəyən "məşhur general"a hökm oxundu
Bakıda rüşvət alma və vəzifəli şəxsin səlahiyyətlərini mənimsəməkdə ittiham olunan Mirdaməd Əzizova hökm oxunub.
Qaynarinfo-nun məlumatına görə, 1989-cu il təvəllüdlü Mirdaməd Əziz oğlu Əzizov özünü əmlak eksperti kimi təqdim edərək, 26 nəfərə məxsus ümumilikdə 431.600 manat məbləğində pulu aldatma və etibardan sui-istifadə yolu ilə ələ keçirib. O, bu əməlləri vahid niyyətlə həyata keçirərək külli miqdarda dələduzluğa yol verib.

Mirdaməd Əzizov mənzillərin alqı-satqısı sahəsində televiziyalarda, yazılı mətbuatda və sosial şəbəkələrdə ekspert kimi çıxış edib. Bu səbəbdən bir çox şəxs mənzil əldə etmək ümidi ilə ona müraciət edib. 2022-ci ilin əvvəllərindən etibarən Yasamal rayonunda yerləşən ofisində fəaliyyət göstərən Əzizov mənzil almaq istəyən vətəndaşlara guya Mənzil İnşaatı Dövlət Agentliyində (MİDA) çalışan vəzifəli şəxslərlə əlaqələri olduğunu deyib. O, müəyyən məbləğ qarşılığında həmin şəxslərə mənzil ayrılmasında köməklik göstərəcəyini vəd edib.
Təqsirləndirilən şəxs ifadəsində bildirib ki, əvvəlcədən MİDA-nın "Güzəştli mənzil" sistemi barədə məlumat əldə edib və yanına gələn vətəndaşlara bu sistemin iş prinsipi barədə ətraflı izahat verib. O, zərərçəkmiş şəxsləri MİDA-nın qeydiyyatına salmaq adı ilə onları guya "investor" adlı proqrama daxil edəcəyini vəd edib.

Mirdaməd Əzizov bu yolla vətəndaşların etimadını qazanaraq, "Yeni Yasamal" yaşayış kompleksindən mənzil almaq bəhanəsi ilə 26 nəfərdən ümumilikdə 431.600 manat pul toplayıb və bu vəsaiti şəxsi ehtiyaclarına xərcləyib. Məhkəmədə etdiyi əməldən peşman olduğunu bildirib. O, özünə məxsus ofisdə saxta "general" geyimində vətəndaşları qəbul edərək onlarda inam yaradıb və pullarını alıb.
Məhkəmənin qərarı ilə Mirdaməd Əzizov Azərbaycan Respublikası Cinayət Məcəlləsinin 178.3.2-ci (külli miqdarda ziyan vurmaqla dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə təqsirli bilinərək 8 il müddətinə azadlıqdan məhrum edilib. O, cəzasını ümumi rejimli cəzaçəkmə müəssisəsində çəkəcək.
Aydın
