Xəbər Lenti
Dünən, 12:12
Sabirabad rayonunda direktor, Sektor müdiri və Regional Rəhbərinin birgə qanunsuzluğu!!!
29-03-2025, 17:07
Bioloji Təbabət-İnteqrativ Sağlamlıq Mərkəzinin rəhbəri Elxan Yaqubov "Ramazan" bayramı münasibəti ilə təbrik etdi.
29-03-2025, 16:57
Xeyriyyəçi və vətənpərvər xanım Zərniyar Kərimovanın "Ramazan" bayramı münasibətilə təbriki
29-03-2025, 16:44
“Şirvan Operating Company Ltd” şirkətinin Həmkarlar İttifaqı Komitəsinin sədri Taleh Məmmədov "Ramazan" bayramı münasibəti ilə təbrik etdi.
29-03-2025, 16:22
Neftçala Yod Zavodunun Baş Direktoru Rəşad Xəlilov - "ƏSL VƏTƏNDAŞ, DÖVLƏTƏ SƏDAQƏT ANDI, LƏYAQƏTLİ İNSAN"
Bakının bu qəsəbəsində evlər çökür
Bakının Xətai rayonu, Əhmədli qəsəbəsi, Şahin Səmədov küçəsində bəzi evlərin həyətlərində çökmə baş verib. Bir neçə gün öncə həmin küçədə ikimərtəbəli evin həyəti çökmüşdü.
"Xəzər Xəbər"in vatsap qaynar xəttinə müraciət edən sakin deyir ki, evi hazır alıb, 18 il də içərisində yaşayıb.
Sakinlər deyirlər ki, problem iki həftədən çoxdur, davam edir. Nəticədə hər üç evin sakinləri evsiz qalıb.
Evi ilk olaraq uçan sakin üçün də heç nə dəyişməyib. Dediyinə görə, bu ərazidəki bütün evlər təhlükə altındadır.
Məsələ ilə bağlı İri Şəhərlərin Birləşmiş Su Təchizatı Xidmətindən isə "Xəzər Xəbər"ə bildirilib ki, sözügedən fərdi yaşayış evləri tikinti norma və qaydalarının tələbləri pozulmaqla tullantı sularını daşıyan magistral xəttin üzərində tikilib. Bu barədə sakinlərə dəfələrlə xəbərdarlıq edilib, müvafiq qurumlara da müraciət olunub. Xidmətdən o da qeyd edildi ki, ərazi münasib yer olmadığına görə xətlərin tapılıb üzə çıxarılması və təmirə başlanılması işi uzanır.
"Qısa araşdırmalardan sonra o da məlum olub ki, sakinlərin təqdim etdiyi torpaq sahəsi, sənədlər icra hakimiyyəti tərəfindən verilib və sənədləşdirilib", deyə İri Şəhərlərin Birləşmiş Su Təchizatı Xidmətindən bildirilib.
Fövqəladə Hallar Nazirliyindən isə bildirilib ki, hündürlüyü 12 metrdən çox olmayan, üçmərtəbəli fərdi yaşayış evləri məlumatlandırma icraatı üzrə inşa edilir. Bu zaman yalnız memarlıq planlaşdırma və ərazinin baş planı bölməsinin işlənməsi tələb olunur. Məlumatlandırma üzrə icraat isə Fövqəladə Hallar Nazirliyinin səlahiyyətlərinə aid deyil.
Xətai Rayon İcra Hakimiyyəti ilə də əlaqə saxlamağa çalışdıq. Ancaq qurumdan mövqe öyrənmək mümkün olmayıb.