Xəbər Lenti
26-08-2025, 14:35
Samuxda torpaq qalmaqalı – “6500 dollara aldığım torpaq başqasına satılıb”/ İDDİA-VİDEO FAKT
26-08-2025, 12:07
Gəncə ŞPİ-nin rəisi, polis generalı Teymur Hacıyev: "Mehriban Əliyeva – Sədaqət, fədakarlıq və vətənpərvərlik nümunəsi"
26-08-2025, 11:13
FHN, Tikintidə Təhlükəsizliyə Nəzarət Dövlət Agentliyinin Cəbrayıl Xanlarov: “Qayğının, xeyirxahlığın və ədalətin ünvanı – Mehriban xanım”
26-08-2025, 10:04
“El-Plastik” MMC-nin rəhbəri Hacı Hülağa Abışov: "Xalqın qəlbində taxt quran Lider Xanım"
26-08-2025, 08:16
İş xanımı Zərniyar Kərimova: "Mehriban Əliyeva – Zəka, məsuliyyət və humanizmin vəhdəti"
26-08-2025, 08:16
İş adamı Cəbrayıl Cəbrayılov: “Mehriban Əliyeva – Dövlətçilik düşüncəsinin mərhəmətlə birləşdiyi unikal sima”.
26-08-2025, 08:15
Bioloji Təbabət-İnteqrativ Sağlamlıq Mərkəzinin rəhbəri Elxan Yaqubov: “Mehriban Əliyeva tibb sahəsinə böyük diqqət göstərir”
25-08-2025, 19:42
Bakı şəhəri 14 nömrəli tam orta məktəbin direktoru Rəfail Hüseynov: “Mehriban Əliyeva çağdaş Azərbaycan təhsilinin himəyadarı”
25-08-2025, 16:58
DYP avtomobillərin sənədləşdirilməsi üzrə müfəttiş polis mayoru Eldar İbrahimov – “ Peşəkarlığın və səmimiyyətin vəhdəti”
Fransanın keçmiş ermənipərəstlərinin atalarına rəhmət oxuya bilərik - Elman Nəsirov
"Emmanuel Makron öz ölkəsinin ağır və mürəkkəb daxili problemlərilə məşğul olsa, daha yaxşı olar, nəinki gəlib regionumuzda gərginlik ocağı yaratmaqla".
Qaynarinfo-ya açıqlamasında bunu deputat Elman Nəsirov rəsmi Parisin Azərbaycanda guya Fransa vətəndaşlarının saxlanıldığı və hədəf alındığı barədə əsassız iddiaları səbəb gətirməklə Azərbaycana səyahətdən yayınmaq barədə öz vətəndaşlarına ünvanlanan qərəzli çağırışına münasibət bildirərkən deyib.
"Fransa Azərbaycan münasibətlərində yaranmış gərginliyin səbəbkarı Makron adminstrasiyası və şəxsən Makronun özüdür. O dirijor çubuğu ilə Bakı ilə Paris arasında münasibətlərdə gərginlik yaradıb, onu idarə edir. Bu da onun Fransadakı erməni lobbi və diaspor dairələrinin əlində alət olduğunu bir daha sübut edir. Onun hər dəfə çeşid-çeşid anti-Azərbaycan bəyanat və qətnamələr verdiyinin, addımlar atdığının şahidi olmuşuq. Fransa birmənalı şəkildə Ermənistanı silahlandırır, onu hücum silahları ilə təmin edir. İndi də absurd şəkildə ittiham edirlər ki, guya Azərbaycanda Fransa vətəndaşı saxlanılır, guya həmin ölkə vətəndaşlarına münasibətdə Bakı qərəzli addımlar atır", deyə Elman Nəsirov bildirib.

Deputat qeyd edib ki, Fransa vətəndaşları ilə heç bir problemimiz yoxdur. Azərbaycan xalqı ilə Fransa xalqı arasında heç zaman gərginlik, toqquşma, münaqişə ocağı olmayıb:
"Söhbət ancaq Fransa rəhbərlərindən gedir. Fransa ənənəvi olaraq ermənipərəst siyasət yürüdür. Amma Makronu gördükdən sonra vaxtilə ermənipərəst siyasət yürüdən digər fransalı siyasətçilərin atalarına rəhmət oxuya bilərik. Makron 5-ci Respublika tarixində yeganə prezidentdir ki, Ermənistana dəstək siyasətini hətta erməni dilində yazır, ifadə edir. Bu da onu göstərir ki, Fransada rəhbər vəzifədə oturan şəxsin əsas niyyəti ölkə daxili problemlərin həlli yox, ancaq erməni maraqlarına xidmət etməkdir. Fransa ciddi daxili problemlər içində çabalayır. İş o yerə çatıb ki, Fransa parlamentinin 81 deputatı Makronun istefasını tələb edir. Belədə onun impiçment qaydasında vəzifədən uzaqlaşdırılması da istisna deyil. Bu da tam reallığı əks etdirir".
Qeyd edək ki, son günlər Fransa hakimiyyəti Azərbaycana qarşı qərəzli siyasətini daha açıq şəkildə ortaya qoymağa başlayıb. Fransanın Avropa və Xarici İşlər Nazirliyi Azərbaycanda guya Fransa vətəndaşlarının saxlanıldığı və hədəf alındığı barədə əsassız iddiaları səbəb gətirməklə öz vətəndaşlarını Azərbaycana səyahətdən yayınmağa çağırıb. Bu qərəzli çağırış onu göstərir ki, Makron iqtidarı Azərbaycanla münasibətləri normal məcraya qaytarmaq deyil, əksinə daha da gərginləşdirmək yolunu tutub.
Azərbaycan XİN sözçüsü Ayxan Hacızadə bildirib ki, Fransa tərəfindən verilmiş bu cür əsassız və qərəzli qərar və bəyanat bu ölkənin Azərbaycanla münasibətləri daha da gərginləşdirmək niyyətindən xəbər verir: "Fransa vətəndaşlarının əsassız olaraq saxlanıldığı və həbs edildiyi barədə Fransanın Avropa və Xarici İşlər Nazirliyinin iddialarının heç bir əsası yoxdur. Bu əsassız bəyanat reallığın təhrif olunmasıdır. Azərbaycanda indiyə qədər yalnız Fransa Respublikasının vətəndaşı Martin Rian ötən ilin 4 dekabr tarixində Azərbaycan Respublikasının Cinayət Məcəlləsinin 276-cı maddəsində (cəsusluq) nəzərdə tutulmuş əməlin törədilməsində şübhəli bilinərək tutulub. Bundan əlavə, digər Fransa vətəndaşı Klerk Teo Hüqonun Bakı Metrosunda törətdiyi əmələ görə saxlanıldığı məlumdur. Bunun əksinə, Fransa tərəfindən Azərbaycan jurnalistlərinin Fransaya, hətta digər Şengen ölkəsi ərazilərinə səyahətləri zamanı tətbiq etdiyi maneələr Fransanın təbliğ etdiyi "insan hüquqlarına” tamamilə zidd olduğu aydındır".