Xəbər Lenti
Dünən, 21:22
Taleh Qaraşov Viravul kənd inzibati ərazi dairəsinin sakinlərinin qayğı və problemlərini dinləyib
Dünən, 21:10
Qax Rayon İcra Hakimiyyətinin başçısı Elvin Paşayev mütəmadi olaraq şəhid ailələrini ziyarət edir
Dünən, 20:06
Sakinlər göstərilən diqqət və qayğıya görə ölkə rəhbərliyinə minnətdarlıqlarını ifadə ediblər.
11-07-2026, 14:21
Hər kəs öz hekayəsinin qəhrəmanıdır! – Dünya səhnəsini riqqətə gətirən Azərbaycan istedadı Zakir Bədəloğlunun uğur yolu
Aİ-95 markalı benzin ucuzlaşdı
Bu gündən etibarən "Avro-5" keyfiyyət göstəricilərinə uyğun olaraq istehsal olunan Aİ-95 markalı avtomobil benzininin 1 litrinin qiyməti 40 qəpik azalaraq 1.60 manat olub.
Qaynarinfo xəbər verir ki, bu barədə SOCAR tərəfindən məlumat yayılıb.
SOCAR-ın Heydər Əliyev adına neft emalı zavodunda "Avro-5" standartına cavab verən Aİ-95 markalı avtomobil benzini istehsalına başlanılıb.
Bildirilib ki, SOCAR-ın emal kompleksində istehsal olunan məhsulları "Avro-5" standartlarına çatdırmaq məqsədilə Heydər Əliyev adına neft emalı zavodunda (NEZ) aparılan yenidənqurma və modernizasiya işlərinin ilkin mərhələsi üzrə işlər tamamlanıb.
Layihənin dizel və benzin istehsalı qurğularının inşası üzrə işlər yekunlaşıb, bir sıra ümumzavod təsərrüfatı qurğuları, texnoloji qurğular istismara verilib. Görülmüş işlər nəticəsində NEZ-də istehsal olunan Aİ-92 və Aİ-95 markalı avtomobil benzinləri artıq "Avro-5" standartlarına çatdırılıb.
Bununla da, 2014-cü ildən hazırkı vaxtadək xaricdən idxal etdiyimiz Aİ-95 markalı avtomobil benzini bu gündən daxili istehsal hesabına təmin edilərək satılacaq.
