ISW Putinin Ukraynada müvəqqəti idarəetmə ilə bağlı bəyanatlarının mahiyyətini izah etdi
"Avant Group" rəhbəri Əli Hüseynovun tapşırığı ilə ağaclar kəsildi-Baş Prokurorluq araşıdırma aparacaq
Prezident İlham Əliyev və birinci xanım Mehriban Əliyeva Şuşada bir sıra açılışlarda iştirak edib və görülən tikinti işləri ilə tanış olublar
Ermənistan XİN başçısı: Azərbaycanla sülh sazişini mümkün qədər tez imzalamaq lazımdır
"Bu, bizi sülhə yaxınlaşdırmır": Zelenski Trampın xüsusi nümayəndəsini sərt tənqid etdi
Bakıda yeni metro stansiyası neçənci ildə istifadəyə veriləcək? - AÇIQLAMA
Bakı metropoliteninin “bənövşəyi” xəttinin hazırda inşası davam edən stansiyasında növbəti mərhələ üzrə işlərə başlanılıb. Bu barədə ötən il “Bakı Metropoliteni” QSC-dən məlumat verilib. Bildirilib ki, şərti olaraq “B-04” adlandırılan stansiya Heydər Əliyev adına İdman-Konsert Kompleksi ilə 1 saylı Şəhər Klinik Xəstəxanası arasında - Cəlil Məmmədquluzadə küçəsində yerləşəcək.
Avtomobil yolunun hər iki tərəfi nəzərə alınmaqla dörd istiqamətdə olacaq stansiya girişlərinin tikintisi inşaatın norma və qaydalarına uyğun - sonuncu mərhələdə yerinə yetiriləcək.
Bəs hazırda tikintisi gedən stansiyada işlər hansı yerdədir və onun açılışı nə zamana planlaşdırılır?
Məsələ ilə bağlı “Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov Referans.az-a açıqlamasında bildirib ki, şərti olaraq “B-04” adlandırılan stansiyanın tikintisi sürətlə davam edir:
“Qazıntı işləri tam başa çatıb, keçidlərin inşası davam edir. Stansiya dörd səviyyədən ibarətdir, hər mərtəbədə son tamamlama işlərinə başlanılıb. Yəni bundan sonrakı dövrdə divar, döşəmə örtüyünün təmizlənməsi və üzlüyün vurulması üçün hazır vəziyyətə gətirilməsi işləri gedir. Növbəti mərhələdə üzləmə işləri aparılacaq. Eyni zamanda, artıq infrastrukturun qurulması ilə bağlı bir sıra addımlar da atılıb, çünki platformalar da quraşdırılıb. Stansiyanı “8 Noyabr”la bağlayan yollar da artıq çəkilib”.
Metropoliten rəsmisi qeyd edib ki, hazırda gedən proseslərlə bağlı heç bir problem yaşanmazsa, şərti adı “B-04” olan stansiyanın tikintisi 2025-ci ildə başa çatacaq.
Onun sözlərinə görə, eskalatorların və liftin quraşdırılması, elektrik təchizatı, hərəkətin təşkili sistemləri, havalandırma və digər bu kimi məsələlərin həlli istiqamətində addımlar atılır:
“Stansiyada bir səviyyədən digərinə keçmək üçün pilləkənlər və 19 eskalatordan istifadə olunacaq. Müvafiq kateqoriyadan olan sərnişinlərin ehtiyacları da nəzərə alınıb. Onların xidmətinə üç lift veriləcək. Ümumən stansiyanın inşaat işləri müvafiq plana uyğun aparılır”.