DÖVLƏTƏ VƏ DÖVLƏTÇİLİYƏ SADİQ OLAN ŞƏXSİYYƏT – HACIBALA ABUTALIBOV

Uzun illər dövlət idarəçiliyi sahəsində müxtəlif məsul vəzifələrdə çalışmış, Bakı Şəhər İcra Hakimiyyətinə rəhbərlik etdiyi dövr ərzində respublikanın ictimai-siyasi həyatına, sosial-iqtisadi inkişafına mühüm töhfələr vermiş Hacıbala Abutalıbovdan söhbət açacağıq. Görkəmli dövlət xadimi Hacıbala Abutalıbov səmərəli fəaliyyəti, paytaxtımızın abadlaşmasında və inkişafındakı böyük xidmətləri daim hörmətlə xatırlanır.

Yüksək idarəçilik qabiliyyətinə malik olan, bacarıqlı mütəxəssis kimi tanınan Hacıbala Abutalıbov xalqın xilaskarı, Ulu Öndər Heydər Əliyevə daima sadiq olmuşdur. Hal-hazırda da Ulu Öndər Heydər Əliyev siyasi kursunun layiqli davamçısı Müzəffər Ali Baş Komandan İlham Əliyev cənablarının apardığı daxili və xarici siyasətini sadiq dövlət xadimi kimi dəstəkləyir.

Ümumiyyətlə, Hacıbala müəllim hansı vəzifədə olmasından asılı olmayaraq, verilən tapşırıqları layiqincə yerinə yetirmiş, göstərilən etimadı doğrultmağa çalışmışdır. Hacıbala Abutalıbovun işgüzarlığını, təşkilatçılıq bacarığını və prinsipiallığını yüksək qiymətləndirmiş, Bakı şəhərinin gözəlləşməsinin sürətləndirilməsində Hacıbala müəllimin əməyini xüsusi olaraq qeyd etmək lazımdı.

Ulu Öndər Heydər Əliyev tərəfindən dəfələrlə Fəxri Fərmanlara, fəxri adlara layiq görülmüşdür.

Görkəmli dövlət xadimi Hacıbala Abutalıbovun fəaliyyətinin böyük bir dövrü isə ölkəmizdə tikinti sektorunun inkişafı ilə bağlı olmuşdur.

Fəaliyyət göstərdiyi uzun illər ərzində Hacıbala Abutalıbovbir sıra struktur dəyişikliklərin həyata keçirilməsinə, texnoloji proseslərin yaxşılaşdırılmasına və modernləşdirilməsinə, müəssisələrin müasir avadanlıqlarla təmin olunmasına, əməyin düzgün təşkilinə və ixtisaslı kadrların hazırlanmasına nail olmuşdur.

Hacıbala müəllim özünə və başqalarına yüksək tələbkarlığı, insanlara həssas, qayğıkeş münasibəti ilə seçilən kadrlardandı. O, yüksək intellektual keyfiyyəti, təşkilatçılıq qabiliyyəti, işgüzarlığı, təşəbbüskarlığı ilə hamının hörmətini qazanmışdı. Hacıbala Abutalıbov həm də əsl vətənpərvərdi. Uzun müddət yüksək vəzifələrdə çalışmış Hacıbala Abutalıbov Azərbaycan dilinin geniş tətbiq edilməsinə, dövlət müəssisələrində kargüzarlığın ana dilində aparılmasına xüsusi önəm verirdi.

Tanınmış dövlət xadimi, vətənpərvər insan, Azərbaycanın sosial-iqtisadi inkişafında xidmətləri olmuş Hacıbala Abutalıbovun səmərəli fəaliyyəti, Azərbaycanın çiçəklənməsinin inkişafındakı xidmətləri bu gün də xatırlanır və göz qabağındadır. Təsadüfi deyildir ki, Azərbaycan Respublikasının Prezidenti cənab İlham Əliyev Hacıbala Abutalıbovun uzun illər müxtəlif vəzifələrdə səmərəli xidmətlərini, Bakı Şəhər İcra Hakimiyyəti başçısı kimi təqdirəlayiq fəaliyyətini nəzərə alaraq ona hörmət və ehtiram bəsləyir.

Hacıbala müəllimə - görkəmli dövlət xadiminə  göstərilən ehtiram, onun əməyinə verilən yüksək qiymətdir.

Vüqar Əsədov

Araşdırmaçı jurnalist