“İsrail-Azərbaycan Şah-Dağ təşkilatı” Birləşmiş Ərəb Əmirliklərində nümayəndəliyinin rəhbəri təyin etdi
Körpə Elvinin anası: “Ona nəsə olsa, mən yaşaya bilmərəm, yardımsevər şəxslərə yalvarıram”
İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin baş katibini qəbul edib
Botanika İnstitutunun alimlərinin həmmüəllifi olduğu məqalə nüfuzlu beynəlxalq jurnalda dərc olunub
Toyda zarafatın sonu qanla nəticələndi - MƏHKƏMƏ
Lənkəran Ağır Cinayətlər Məhkəməsində Salyanda qəsdən adam öldürməyə cəhddə təqsirləndirilən Şamxal Babayevin cinayət işi üzrə məhkəmə istintaqı başa çatıb.
Pravda.az-ın əldə etdiyi məlumata görə, hakim Cavid Səfərlinin sədrliyi ilə keçirilən prosesdə hökm oxunub.
Məhkəmənin hökmü ilə o, 5 il 7 ay 15 gün müddətinə azadlıqdan məhrum edilib.
İttihama görə, Şamxal Babayev 12 iyun 2023-cü il tarixdə, saat 18 radələrində sinif yoldaşı olmuş həmkəndlisi, 2006-cı il təvəllüdlü zərərçəkmiş Famil Xəlilovla Salyan rayonu, Xıdırlı kəndində yerləşən “Səmayə” şadlıq sarayında keçirilən toy mərasimində iştirak edib. Bu zaman o, zərərçəkmişlə eyni masa arxasında yanaşı oturub, öz aralarında zarafat edərək bir-birinin barəsində şəxsiyyətlərini aşağılayan ifadələr işlədib. Buna görə onların arasında mübahisə yaranıb, toy məclisindən çıxdıqdan sonra kənd ərazisində görüşmək qərarına gəliblər.
Daha sonra Şamxal Familin təklifi ilə Salyan rayonu, Xıdırlı kəndində açıq ərazidə “pir” adlanan yerdə onunla görüşüb. O, hadisə yerinə gələndə yaşadığı evdən mətbəx bıçağı götürüb. Nəticədə Şamxal bıçaqla Familə ümumilikdə 7 zərbə endirib.
Hadisədən sonra zərərçəkmiş şəxs əvvəlcə Qaradağ Rayon Tibb Mərkəzinə, daha sonra isə Respublika Klinik Xəstəxanasına aparılıb. Həkimlərin səyin nəticəsində Famil Xəlilovun həyatını xilas etmək mümkün olub.