Direktor setifikatlaşdırma imtahanında uğur əldə etməyən müəllimlər haqqında danışıb

“İkinci cəhddən də setifikatlaşdırma prosesindən uğurlu nəticə əldə etməyən müəllimlər barədə tədbir görüləcək”.

Oxu.Az xəbər verir ki, bunu Azərbaycan Respublikası Təhsil İnstitutunun İnsan Resursları Mərkəzinin direktoru Nurlan İsmayılbəyli deyib.

O bildirib ki, qanunvericiliyin qarşımıza qoyduğu müəyyən tələblər var:

“Qanunvericiliyin bizim qarşımızda qoyduğu tələblər yalnız setifikatlaşdırma ilə yekunlaşmır. Proses Əmək Məcəlləsinin tələblərinə də uyğun olaraq keçirilir. Bu səbəbdən də ikinci cəhddə də setifikatlaşdırma prosesindən uğurlu nəticə əldə etməyən müəllimlər barədə qanunvericiliyin tələblərinə uyğun olaraq addım atılacaq”.