Azərbaycan Respublikası və Türkmənistan Respublikası arasında ikitərəfli münasibətlər dostluq, qardaşlıq və strateji tərəfdaşlıq nümunəsidir

Azərbaycanın Mərkəzi Asiya ölkələri ilə münasibətləri ölkəmizin xarici siyasətinin prioritet istiqamətlərindən biridir. Qardaş Türkmənistan Respublikasının Prezidenti Sərdar Berdiməhəmmədovun Azərbaycan səfəri Mərkəzi Asiya ölkələri, eləcə də Türk dövlətləri ilə münasibətlərin möhkəmlənməsində əhəmiyyətli rola malikdir. Azərbaycan-Türkmənistan münasibətlərinin inkişafı ölkələrimiz arasında strateji tərəfdaşlığın və regional güc mərkəzinə doğru dinamikliyin göstəricisidir. Azərbaycan ilə Türkmənistan arasında getdikcə artan qardaşlıq əlaqələri, həmçinin güclü liderlərin siyasi iradəsi, Trans-Xəzər nəqliyyat və enerji layihələrinin əhəmiyyəti baxımından nümunəvi inkişaf modelini törənmiş edir. Bu səmimi dostluq münasibətləri sayəsində Qarabağda aparılan abadlıq işlərinə Türkmənistanın dəstəyi hər iki ölkənin vətəndaşları və dünya ictimaiyyətinin nümayəndələri şahidlik edir. Azərbaycan Prezidenti İlham Əliyev Qarabağın bərpasında köməyə görə Türkmənistana təşəkkürünü bildirdi. Dövlətimizin başçısı qeyd etdi ki, ötən ilin iyulunda Qurbanqulu Berdiməhəmmədov ölkəmizə səfər edərkən Füzuli şəhərində məscidin tikintisi təşəbbüsünü irəli sürmüşdü və artıq başlanılıb. Bu, Türkmənistanın, onun Ümumilli Liderinin və bütün qardaş Türkmənistan xalqının Azərbaycana səmimi, dostcasına münasibətinin daha bir göstəricisi idi.

Azərbaycan ilə Türkmənistan arasında qarşılıqlı siyasi fəaliyyətin və coğrafi şəraitin əlverişli olması baxımından, cənab Prezident diqqətə çatdırdı ki, “Ölkələrimiz arasında nəqliyyat logistika sahəsində əməkdaşlıq artıq uzunmüddətli xarakter daşıyır. Hətta bu, təkcə bizim və qonşularımız üçün deyil, həm də geniş coğrafiya üçün strateji əhəmiyyətə malikdir. Çünki bu gün dünyada öz aralarında əməkdaşlıq edən ölkələri birləşdirən çox etibarlı, təhlükəsiz nəqliyyat marşrutları o qədər də çox deyil. Türkmənistan və Azərbaycan geniş faydalı qazıntılara və enerji ehtiyatlarına malik iki ölkədir. Belə olan halda biz səylərimizi birləşdirmək üzrə əməkdaşlıq etmək niyyətindəyik”.

Azərbaycan ilə Türkmənistan arasında qardaşlıq və strateji tərəfdaşlıq münasibətləri iki ölkə arasında imzalanmış sənədlər bir daha əlaqələrimizin daha da möhkəmlənməsini təsdiq edir.

YAP Səbail rayon təşkilatının sədri: Muxtar Nağıyev