YAP Səbail rayon təşkilatının keçirdiyi “Qurtuluş məfkurəsi: xilaskarlıq missiyasından Zəfər salnaməsinə” adlı tədbir çərçivəsində müsahibə

İsmayıl Zalov:

Nicat müəllim, ilk olaraq Milli Qurtuluş Gününün Azərbaycan dövlətçiliyi tarixindəki əhəmiyyəti barədə fikirlərinizi bilmək istərdik.

Nicat Hüseynov:

Milli Qurtuluş Günü müasir Azərbaycan tarixinin ən mühüm və taleyüklü hadisələrindən biridir. 1993-cü ilin iyununda Azərbaycan ciddi siyasi böhran, xaos və parçalanma təhlükəsi ilə üz-üzə qalmışdı. Belə bir ağır məqamda xalqın təkidli tələbi ilə hakimiyyətə qayıdan Ulu Öndər Heydar Aliyev öz müdrikliyi, qətiyyəti və uzaqgörən siyasəti ilə dövlətimizi böyük təhlükələrdən xilas etdi. Məhz onun xilaskarlıq missiyası nəticəsində Azərbaycanın müstəqilliyi qorundu, dövlətçilik ənənələri möhkəmləndi və ölkəmizin gələcək inkişafının əsası qoyuldu. Bu gün hər bir azərbaycanlı Ulu Öndərin xalq və dövlət qarşısındakı tarixi xidmətlərini böyük ehtiramla yad edir.

İsmayıl Zalov:

Ulu Öndər Heydər Əliyevin müəyyən etdiyi siyasi kursun bu günkü uğurları barədə nə deyə bilərsiniz?

Nicat Hüseynov:

Ulu Öndər Heydər Əliyevin müəyyən etdiyi inkişaf strategiyası bu gün Azərbaycan Respublikasının Prezidenti Ilham Aliyev tərəfindən uğurla davam etdirilir. Prezident İlham Əliyev yüksək siyasi iradəsi, qətiyyətli liderliyi və milli maraqlara əsaslanan siyasəti ilə Azərbaycanı dünyanın nüfuzlu dövlətləri sırasına yüksəldib. Son illərdə əldə olunan iqtisadi nailiyyətlər, beynəlxalq arenada qazandığımız uğurlar, xüsusilə də tarixi Zəfərimiz və ölkəmizin tam suverenliyinin təmin olunması Prezident İlham Əliyevin müdrik siyasətinin nəticəsidir. Bu gün Azərbaycan güclü dövlət, qalib xalq və nüfuzlu beynəlxalq tərəfdaş kimi tanınır.

İsmayıl Zalov:

Mehriban xanım Əliyevanın Azərbaycan cəmiyyətinin inkişafında rolunu necə qiymətləndirirsiniz?

Nicat Hüseynov:

Azərbaycan Respublikasının Birinci vitse-prezidenti Mehriban Aliyeva humanizm, mərhəmət və xeyirxahlıq dəyərlərini öz fəaliyyətində ən yüksək səviyyədə təcəssüm etdirən görkəmli dövlət xadimidir. Mehriban xanımın təşəbbüsü və rəhbərliyi ilə həyata keçirilən sosial, humanitar və mədəni layihələr minlərlə insanın həyatına müsbət təsir göstərib. O, Azərbaycanın milli-mənəvi dəyərlərinin qorunması, mədəni irsinin dünyada tanıdılması və humanitar diplomatiyanın inkişafı istiqamətində mühüm xidmətlər göstərir. Mehriban xanım Əliyevanın fəaliyyəti həm ölkə daxilində, həm də beynəlxalq səviyyədə yüksək qiymətləndirilir.

İsmayıl Zalov:

Bu gün gənclərin dövlətçilik ideyalarına bağlılığının gücləndirilməsi istiqamətində hansı işlər həyata keçirilir?

Nicat Hüseynov:

Gənclər Azərbaycanın gələcəyidir. Ona görə də onların vətənpərvərlik ruhunda tərbiyəsi, dövlətçilik dəyərlərinə bağlı yetişdirilməsi daim diqqət mərkəzində saxlanılır. YAP Səbail rayon təşkilatı tərəfindən mütəmadi olaraq maarifləndirici tədbirlər, görüşlər, konfranslar və vətənpərvərlik layihələri həyata keçirilir. Məqsədimiz gənclərin Ulu Öndər Heydər Əliyevin ideyalarına sadiq, Prezident İlham Əliyevin həyata keçirdiyi siyasəti dəstəkləyən və Azərbaycanın gələcək inkişafına töhfə verməyə hazır vətəndaşlar kimi formalaşmasına dəstək olmaqdır.

İsmayıl Zalov:

Bu gün keçirilən “Qurtuluş məfkurəsi: xilaskarlıq missiyasından Zəfər salnaməsinə” adlı tədbirin əsas mesajı nədən ibarət idi?

Nicat Hüseynov:

Bu tədbirin əsas məqsədi Azərbaycan xalqının xilası və dövlətimizin inkişafı yolunda Ulu Öndər Heydər Əliyevin misilsiz xidmətlərini bir daha xatırlatmaq, Milli Qurtuluşdan başlanan yolun bu gün Prezident İlham Əliyevin rəhbərliyi ilə böyük Zəfərlərə və tarixi nailiyyətlərə çevrildiyini nümayiş etdirmək idi. Tədbirdə bir daha vurğulandı ki, Azərbaycan xalqı öz liderlərinin ətrafında sıx birləşərək ölkəmizin daha da güclənməsi və inkişafı naminə əzmlə çalışır.

YAP Səbail rayon təşkilatının sədr müavini Nicat Hüseynov öz fəaliyyəti, yüksək təşkilatçılıq bacarığı və dövlətçilik dəyərlərinə sadiqliyi ilə seçilən gənc ictimai-siyasi fəallardandır. O, partiyanın ideoloji prinsiplərinin təbliği, gənclərin ictimai-siyasi proseslərə cəlb olunması və vətənpərvərlik ruhunun gücləndirilməsi istiqamətində mühüm fəaliyyət göstərir.

Nicat Hüseynovun təşəbbüskarlığı, məsuliyyətli yanaşması və insanlarla səmimi ünsiyyət qurmaq bacarığı onun həm partiya üzvləri, həm də ictimaiyyət arasında nüfuz qazanmasına səbəb olmuşdur. O, dövlətçilik ənənələrinin təbliği, milli-mənəvi dəyərlərin qorunması və gənc nəslin maarifləndirilməsi istiqamətində həyata keçirilən layihələrdə fəal iştirak edərək cəmiyyətə faydalı xidmət göstərir.

Müsahibəni hazırladı:

İsmayıl Zalov

ARHD.Media İnformasiya Agentliyinin rəhbəri

Beynəlxalq hüquq eksperti

Hüquq üzrə fəlsəfə doktoru

Beynəlxalq hüquq müdafiəçisi